Ryan Gosling Nova layihəsi ilə Marvel Sinematik Kainatına qoşula bilər!
![ryan-gosling-marvel](https://tedroid.com/media/2022/07/original-ryan-gosling-sq-jpg-d7915eda.jpg)
Hər gün genişlənən Marvel Sinematik Kainatı (MCU) yeni bir məşhur simaya salam deməyə hazırlaşır. Şayiələrə görə Ryan Gosling Marvel-in “Nova” kimi tanınan Richard Rider rolunu oynayacaq.
Bu ilin əvvəlində Marvel Studios enerjiyə əsaslanan kosmos polisi “Nova” ilə bağlı layihə üzərində işə başladığını elan etdi. Qəhrəmanın bədii filmdə və ya Disney+ serialında oynayacağı barədə hələ heç bir məlumat yoxdur, lakin Gosling-in gələcəkdə Marvel üçün “Nova” obrazını canlandıracağı ilə bağlı güclü söz-söhbət var.
Karyerasında müxtəlifliyə dəyər verən Ryan Gosling-in də Marvel Sinematik Kainatında rol alması təəccüblü olmayacaq. Aktyor hazırda Greta Gerwig-in “Barbie” filminə çəkilir. Həmçinin hərəkətli filmləri də çox sevən Gosling, keçmiş (və bəlkə də gələcək) Marvel Sinematik Kainat ulduzu Chris Evans ilə birlikdə Netflix-in “The Grey Man” filmində rol alır. Gələn ay ekranlara çıxacaq filmin rejissorları “Avengers: Sonsuzluq Müharibəsi” və “Avengers: Endgame” kimi bir çox Marvel filmlərinin rejissoru olan Joe və Anthony Russo qardaşlarıdır.
![ryan-gosling-barbie-greta-gerwig](https://tedroid.com/media/2022/07/highxtar-barbie-ryan-goslingg.jpg)
Ryan Gosling Marvel Sinematik Kainatında “Nova” rolunu oynayacaqsa, o, paylaşılan kainatın daha kosmik tərəfinə qoşulacaq. Marvel Comics tarixində Nova-nın bir neçə versiyası olsa da, Richard Ryder ən populyarıdır.
Marvel Sinematik Kainatı üçün məlum olan qarşıdan gələn layihələrə iyulun 8-də kinoteatrlarda nümayiş etdiriləcək “Thor: Sevgi və ildırım”, “Qalaktikanın mühafizəçiləri 3”, “Möcüzələr” və Disney+ seriyası “Gizli işğal” daxildir. MCU kosmosu tədqiq etməyə davam edərsə (və Nova Corps-u Thanos tərəfindən məhv edildikdən sonra canlandıracaqsa), ulduzlu Nova layihəsi irəliyə doğru olduqca yaxşı bir yol ola bilər.
Uzun illərdir filmlərdə simasını görməyə öyrəşdiyimiz Ryan Gosling-in Marvel-ə qatılması nə qədər uğurlu alınacaq, sizcə?
Fikirlərinizi bizimlə şərhlərdə bölüşə bilərsiniz!
Həmçinin əgər izləməmisinizsə, “Marvel filmlərini izləməyə necə başlamalı” mövzusunda məqaləmizi nəzərdə keçirə bilərsiniz 🙂