Dünyanın ən məşhur vizual məzmun platforması olan Instagram, TikTok tətbiqinə rəqib olaraq inkişaf etdirdiyi Reels funksiyasını təkmilləşdirməyə davam edir. Instagram tətbiqinin Reels üçün üzərində çalışdığı başqa bir yeni xüsusiyyət ortaya çıxıb. İnstagrama həftələr əvvəl gələn bir çox xüsusiyyəti əvvəlcədən xəbər verən Alessandro Paluzzi adlı insayderin paylaşdığı ekran görüntüsünə görə, Instagram Reels videoları üçün yükləmək seçimi üzərində işləyir.
Alessandro Paluzzinin adl insayderin verdiyi məlumata görə Reels videolarını İnstagramdan üzərindən yükləmək əlçatan olacaq. Xüsusiyyət videonu yükləyən şəxs tərəfindən aktiv və ya deaktiv edilə bilər. Siz Reelsinizi yüklədiyiniz halda xüsusiyyət defolt olaraq deaktiv gələcək. Siz onu aktiv etdikdən sonra video onu endirmək istəyən hər kəs tərəfindən endirilə biləcək.
Yuxarıda gördüyünüz ekran görüntüsünə görə, yükləmə seçimi Reels videolarının yanında üç nöqtəyə toxunduğunuzda açılan seçimlər menyusunda olacaq. Reels videosunu paylaşan şəxs videonu paylaşarkən yükləmə seçimini açsa, istəyən hər kəs əlavə tətbiqə və ya vebsayta ehtiyac olmadan videonu endirə biləcək.
Bəyəndiyiniz Reels videolarını yükləyib arxivinizdə saxlamağı sevirsinizsə, bu funksiyanın sizin üçün çox faydalı olacağını deyə bilərik. Çoxumuz İnstagram tətbiqində bəyəndiyimiz videoları başqa bir tətbiq və vebsayt vasitəsilə telefonumuza yükləyirik. Artıq bu xüsusiyyət gəldikdən sonra normal olaraq buna ehtiyac qalmayacaq. Qeyd etmək lazımdır ki, funksiya sosial medianın ən böyük problemlərindən biri olan məzmun oğurluğunu asanlaşdıracaq. Yüklənə bilən çarx videoları başqaları tərəfindən asanlıqla paylaşıla bilər.
