Microsoft şirkəti kibertəhlükəsizlik mütəxəssislərinə kritik problemləri anlamaqda və onları həll etmək yollarını tapmaqda kömək etmək üçün hazırlanmış yeni çatbotunu elan edib. Təqdim edilən Security Copilot aləti kibertəhlükəsizlik və şəbəkələr üzrə təlim keçmiş, trilyonlarla məlumat datasetləri əsasında “silahlanmış” modeldir. Microsoft şirkətinə görə, Security Copilot istənilən təhlükəsizlik komandasının əhatə dairəsini, sürətini və effektivliyini kəskin şəkildə artıracaq. Fərqində olsaq da, olmasaq da, süni intellekt bu və ya digər şəkildə istifadə etdiyimiz hər şeyə əlavə olunmağa davam edir. Microsoft şirkəti OpenAI şirkətinə etdiyi milyard dollarlıq sərmayələr nəticəsində şirkətin süni intellekt texnologiyalarında söz sahibidir. Süni intellekt bildiyimiz kimi, Bing və Edge üçün əlavə edildi, sonra Azure və Office platformalarına gətirildi. İndi isə, adını çox eşitdiyimiz Copilot kibertəhlükəsizlik sahəsinə Security Copilot-u kimi daxil olub.
Microsoft Security Copilot, OpenAI şirkətinin ən son dil modeli GPT-4 və Microsoft tərəfindən öz məlumatlarından istifadə etməklə yaradılmış təhlükəsizlik üçün xüsusi modeldir. O, hətta təhlükəsizlik hadisələrini ümumiləşdirən PowerPoint belə slaydı yarada bilər. Microsoft, Security Copilot-un daim öyrənən və inkişaf edən bir məhsul olduğunu vurğulayır. Digər tərəfdən Security Copilot, hazırda Microsoft şirkətinin daxilində mühəndislər tərəfindən istifadə olunur. Microsoft Security-nin Korporativ vitse-prezidenti Vasu Jakkal deyir ki, alət saniyələr ərzində 1000 xəbərdarlığı emal edərək vacib olan məlumatları çatdıra bilir.
Alət hətta necə olduğunu bilməyən bir analitik üçün zərərli kod parçasını tərsinə mühəndisliklə geri çevirə bilər. Bu cür yardım mütəxəssisləri işə götürməkdə çətinlik çəkən və nəticədə bəzi sahələrdə təcrübəsiz işçiləri işə götürməli olan şirkətlər üçün kömək olacaq. Security Copilot-u hazırda şəxsi önizləmə vasitəsilə mövcuddur. Bununla belə, Microsoft şirkəti daha geniş istifadəyə verildikdən sonra Security Copilot-un nə qədər başa gələcəyini açıqlamayıb.
