Uzun müddət əvvəl embarqolar səbəbiylə Google ilə əlaqəsi kəsilən Huawei proqramları da bir-bir şəbəkədən çıxarılır. Belə ki, Huawei Health proqramı Google Play mağazasından silinib. Huawei Health, Samsung Health proqramına oxşar funksiyalar təklif edən sağlamlıq monitorinq proqramıdır.
Huawei şirkətinin bu proqramı sağlamlıq məlumatlarını toplamaq və daşına bilən cihazları ilə əlaqə saxlamaq üçün istifadə edilir. Tətbiqi Huawei taxıla bilən cihazına bağlamaqla istifadəçilər addım sayma, ürək döyüntülərinin monitorinqi, yuxu izləmə və.s. kimi fitness və sağlamlıqla bağlı fəaliyyətlərini izləyə və idarə edə bilirlər. Google-dan ayrıldıqdan sonra Huawei Health proqramı şirkətin Tətbiq Qalereyasına köçürüldü və Google köhnə versiyanı da sildi. Yəni əgər proqramı cihazınıza quraşdırmaq istəyirsinizsə, iki seçiminiz var – etibarsız mənbələr vasitəsilə yan yükləmə və ya əvvəlcə Huawei Tətbiq Qalereyasını əldə edib oradan quraşdırın.
Huawei şirkətinin sonuncu dəfə 2020-ci ildə yenilədiyi proqram bir çox müasir funksiyalar təklif etməkdən uzaq idi. O, həmçinin şirkətin ən son geyilə bilən cihazlarını dəstəkləmirdi. Proqramın cari versiyası App Gallery mağazasında mövcuddur. Digər tərəfdən tətbiqi Samsung və Apple proqram mağazalarında tapmaq mümkündür.
Əvvəllər tətbiqi Google Play mağazasından yükləyərək istifadə edənlər artıq onu yeniləyə bilmirdilər. Bununla əlaqədar olaraq, onlar App Gallery mağazasına gedib onu yükləməlidirlər. Digər tərəfdən, Huawei şirkətinin qalan iki tətbiqi 3 ildir ki, yeniləmə almır. Yəqin ki, onları da Huawei Health kimi Google mağazasından da siləcəklər.
