Bu yaxınlarda Play Store üçün çoxlu cihaz xüsusiyyətini təqdim edən ABŞ-ın texnologiya nəhəngi Google, Android ekosistemini zənginləşdirməyə davam edir. Belə ki, Google şirkəti Play Store üçün hazırladığı bir sıra yeni funksiyalar gətirir. Bu gün 9To5Google resursu tətbiq mağazasına əlavə olunacaq iki yeni funksiyanı paylaşıb. Buraya istifadəçilərə yaddaşa qənaət etmək üçün istifadə olunmamış Android proqramlarını arxivləşdirməyə imkan verən yenilik daxildir.
Məlumata görə, yeni funksiyalardan birincisi Play Store üzərindan endirilən proqramları izləməyi asanlaşdırmaq məqsədi daşıyır. İstifadəçilər indi fırlanan qabarcıq animasiyası vasitəsilə yükləmənin gedişatını yoxlaya biləcəklər. Bu xüsusiyyət ilə tətbiqin nə qədər yüklənmiş olduğunu bildiriş panelinə girmədən görə biləcəksiniz. İstəməsəniz isə, üzərinə basılı tutub aşağı apardıqda qabarcıq animasiyası ekrandan silinəcək.
Google Play tətbiqinə əlavə ediləcək ikinci xüsusiyyət isə cihazınızda yaddaşa qənaət etmək üçün Android proqramlarını arxivləşdirmək imkanıdır. Əslində, Noyabr sistem yeniləməsində Google, “tətbiq arxivləşdirmənin” tezliklə Android cihazları üçün paylaşılaçağını elan etsə də hələ bu xüsusiyyəti paylaşılmayıb. Maraqlananlar üçün arxivləşdirmə proqramı silməyə imkan verəcək, lakin proqram üçün bütün şəxsi məlumatları toxunulmaz saxlayacaqdır.
Bu funksiya işə salındıqda, yəni proqramı arxivləşdirdikdən sonra proqramı yenidən quraşdırmaq üçün geri qayıtdığınız zaman Google Play üzərində “Quraşdır” əvəzinə “Geri yüklə” düyməsini göstərəcək. “Geri yüklə” düyməsini basmaq sizi ənənəvi proqram quraşdırması kimi arxa plana deyil, xüsusi səhifəyə yönləndirəcək. Hesaba, məlumatların haradansa əldə olunmasına və.s yenidən daxil olmağa ehtiyac olmayacaq. Çünki, hər şey yüklədiyiniz anda bərpa olunacaq.
