Məşhur insayder olan OnLeaks, OnePlus şirkətinin növbəti flaqmanı olan OnePlus 11 smartfonunun render görüntüsünü və texniki xüsusiyyətlərini sızdırıb. Yeni flaqman smartfonun adında Pro sözü götürülsə də onun Snapdragon 8 gen 2 çipseti ilə təchiz olunacağı gözlənilir. Bundan əlavə smartfonun ən cəlbedici xüsusiyyətlərindən biri də QHD+ təsvir ölçülü 120Hz tezlikli AMOLED ekran ilə təchiz olunmasıdır. Qeyd edək ki, analtikin verdiyi məlumata görə OnePlus şirkətinin yeni flaqmanı 2023-cü ilin birinci rübü təqdim olunacaq. Digər bir tərəfdən bu model OnePlus 11 Pro kimi gözlənilsə də şirkət adlandırmada bu modeli OnePlus 11 ilə əvəzləyib və OnePlus 11 Pro adından imtina edilib.
Yeni OnePlus 11 smartfonunun texniki xüsusiyyətləri
OnLeaks mənbəsinin sızdırdığı render görüntüsünə nəzər saldıqda smartfonun 2 rəngdə olmaqla, Jungle Emerald və Volkanik Qara olmaqla təklif edildiyini görürük. Hələlik qlobal bazarda məlum olan rənglər bunlar olsa da OnePlus hərkəsi Çin bazarı üçün müxtəlif rəng seçimi təklif edə bilər. OnePlus 11 smartfonun arxa hissəsinə nəzər saldıqda 3 arxa kamera sensoru və 1 LED flaş ilə təchiz olunduğunu görürük. Sələfi ilə müqayisə etdikdə yeni smartfonda bəzi dizayn dəyişikliklərinin olduğunu görərik. Belə ki, OnePlus 10 Pro smartfonunda Hasselblad loqosu kameranın sol tərəfində olduğu halda, yeni smartfonda bu loqo kameranın düz ortasında yerləşdirilib. Həmçinin loqo artıq üfüqi şəkildə yazılıb. Bundan əlavə OnePlus 10 Pro modelindən fərqli olaraq yeni smartfonun arxa kamera massivi dairəvi dizayna malikdir. Smartfonun arxa hissəsində müvafiq olaraq 50 MP əsas, 48 MP ultra genişbucaqlı və 32 MP telefoto kamera sensorları ilə təchiz olunacağı bildirilir. Smartfonun ön hissəsində isə 16MP selfi kamerası quraşdırılacaq.
Batareya cəhətdən isə smartfonunun 100 Vatt sürətli şarj dəstəkləyən 5000 mAs batareya ilə təchiz olunacağı iddia olunur. Təqdimat tarixi isə uyğun olaraq növbəti ilin ilk aylarına təsadüf edəcəkdir.
