TIOBE Language Popularity Index resursu tərəfindən Google, MSN, Yahoo, Baidu, Wikipedia və YouTube platforması axtarışlarından istifadə edərək ən populyar 10 proqramlaşdırma dili siyahısını tərtib edib.
- Python, 16.36%
- C, 16.26%
- C++, 12.91%
- Java, 12.21%
- C#, 5.73%
- Visual Basic, 4.64%
- JavaScript, 2.87%
- SQL, 2.5%
- Assembly language, 1.6%
- PHP, 1.39%
C++ proqramlaşdırma dilinin populyarlığı il ərzində 4,62 faiz artaraq bütün rəqiblərini geridə qoysa da, onu liderliyə çatdıra bilmədi. Python illik 2,78 faiz artımla zirvədə olmaqda davam edir. Siyahıda ikinci yeri 3,82% artımla C tutur.
C++ siyahıda üçüncü olsa da, sürətlə artan populyarlığını nəzərə alsaq, orada çox uzun müddət qalması gözlənilmir. Çünki keçən noyabr ayında Java-nı keçərək əhəmiyyətli bir müvəffəqiyyət əldə etmişdi . Digər tərəfdən, ekspertlərin fikrincə, C++ dilinin populyarlığı onun obyekt yönümlü dil olmasına baxmayaraq, mükəmməl performansa yaxın olması ilə bağlıdır. Belə ki tərtibatçılar C++ dili ilə 1 milyon sətirdən çox kodla sürətli və geniş proqram sistemləri qura bilirlər.
Həmçinin 2022-ci ildə Tiobe Rust, Lua, F#, Kotlin, Julia və Dart-da artımlar görüb. Son dörd ilə nəzər salsaq, C, C# və C++ yavaş, lakin əmin bir yüksəliş gördü, Python isə daha aqressiv populyarlıq qazanır. Bununla belə, Tiobe, hazırladıqları indeksin ən yaxşı proqramlaşdırma dili məqsədi daşımadığını vurğulayır. Bildirilir ki, bu siyahı yeni proqram təminatı sistemi qurmağa başlayarkən hansı proqramlaşdırma dilinin qəbul edilməsinə dair strateji qərar vermək üçün istifadə edilə bilər.
Google-da dil dərsliklərinin nə qədər tez-tez axtarıldığını təhlil edən alternativ Pypl Popularity of Programming Language index-ə görə, 2023-cü ilin yanvar ayı üçün aşağıdakı ilk 10 proqramlaşdırma dili:
- Python, 27.93%
- Java, 16.78%
- JavaScript, 9.63%
- C#, 6.99%
- C/C++, 6.9%
- PHP, 5.29%
- R, 4.03%
- TypeScript, 2.79%
- Swift, 2.23%
- Objective-C, 2.2%
