Apple brendi ötən günlərdə ilin ən böyük texnologiya tədbirlərindən biri hesab olunan WWDC23-də öz qarışıq reallıq eynəyini təqdim etmişdi. İndi isə texnologiya həvəskarları arasında mübahisələrə səbəb olan Apple Vision Pro eynəyinin interfeysi sərgilənib. Xatırladaq ki, yeni qarışıq reallıq eynəyi əsasən yüksək qiyməti ilə diqqətləri cəlb etmişdi. Lakin Apple brendinin təqdim etdiyi qarışıq reallıq eynəyi həm performansı həm də texnologiyaları ilə mübahisələr yaratmışdı.
Qeyd edək ki, Apple brendinin yeni Vision Pro qarışıq reallıq eynəyinin interfeysi visionOS əməliyyat sisteminə əsaslanacaq. Həmçinin şirkət yeni əməliyyat sisteminin ilk test versiyasını da tərtibatçılara təqdim edib. Proqram tərtibatçıları şirkətin təqdim etdiyi test versiyası ilə Vision pro üçün müxtəlif tətbiqlər yarada və onları əməliyyat sisteminə uyğunlaşdıra yəni optimizasiya edə bilərlər. Məhz bu tərtibatçılardan biri yeni Vision pro eynəyi üçün hazırladığı interfeysi sərgiləyib.
Digigamer adlı tərtibatçı hazırladığı interfeys ilə bütün diqqətləri öz üzərinə çəkməyi də bacarıb. Ümumiyyətlə Vision Pro ilk növbədə AR cihazı kimi hazırlanıb, lakin sahib olduğu texniki imkanlar hesabına tam virtual reallıq arasında keçid edə bilir. Vision Pro ilə bağlı açıqca demək mümkündür ki, istifadəçinin ehtiyacı olan tək şey otaqdır. Çünki, idarə etmək üçün sadəcə əlləriniz, gözləriniz və ya danışmağınız kifayətdir. Yeni interfeys isə istifadəçilərə bütün imkanları təklif edir. 3500 dollar başlanğıc qiymətinə malik olan qarışıq reallıq eynəyi gələn ilin əvvəllərində ABŞ-da satışa çıxarılacaq.
