Texnologiya sahəsinin aparıcı brendlərindən olan Apple yeni iOS 17 əməliyyat sisteminə Android smartfonlarda uzunmüddətdir olan Oyun Modu funksiyasını əlavə etməyi planlaşdırır. Xatırladaq ki, bu funksiya macOS 14 Sonoma ilə Mac modellərinə əlavə edilən xüsusiyyətlərdən biridir. Oyun Modu funksiyası sizi cihazınızı oyun üçün optimallaşdırır və ən yüksək perfomans verəcək hala gətirir. Lakin bu funksiya indiyə qədər sadəcə Mac modelləri üçün keçərli idi. İndi isə texnologiya nəhəngi iPhone və iPad modellərinə də yeni funksiyanı əlavə etmək istəyir. Bildiyimiz kimi, iPhone modelləri Apple brendinin istehsal etdiyi güclü çipsetlər ilə təchiz edilsə də bəzən qızma problemləri yaşayırdı.
Apple brendinin təqdim edəcəyi yeni Oyun Modu funksiyası isə bu halların yaşanmasının qarşısını alaraq istifadəçilər maksimum oyun təcrübəsi yaşadacaq. Artıq yeni funksiya sizin smartfonunuzu avtomatik olaraq oyunun parametrlərinə görə optimizasiya edəcək. Əslində bu funksiya hazırda bazarda olan bir çox Android smartfonlarda mövcuddur. Lakin Apple istifadəçiləri üçün bu hələ indi əlçatan olacaq. Beləliklə iPhone və iPad modellərində rahatlıqla oyun oynamaq mümkün olacaq.
Onu da qeyd edək ki, Apple macOS Sonoma ilə Game Porting Tool funksiyasını da əlavə etmişdi. Hansı ki, bu funksiya ilə bir çox oyun tərtibatçısı artıq Mac modelləri üçün də oyun hazırlaya biləcəkdi. Hətta yeni funksiya ilə bir çox oyun mac modellərinə əlavə edilmişdi. Bundan əlavə apple brendi ötən gün iOS 17 əməliyyat sisteminin yeni beta versiyasını təqdim etmişdi. Texnologiya nəhəngi durmadan yeni əməliyyat sistemini təkmilləşdirir və optimizasiya edir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
