Opera GX brauzerinə həyatın reallıqlarına uyğun maraqlı funksiya daxil edilib. Belə ki, Opera GX brauzeri sizin xəbəriniz belə olmadan brauzer tarixçənizi dəyişərək sizi xeyirxah insan kimi göstərəcək. Bir çox insan brauzer tarixçəsinin başqaları tərəfindən ifşa edilməsindən narahatdır. Lakin Opera GX brauzerinə əlavə edilən funksiya ilə bu narahatçılıq aradan qalxacaq. Hətta siz öldükdən sonra belə sizin brauzer tarixçəniz dəyişəcək. Beləliklə ailə üzvləriniz və ya digər şəxslər sizin internet tarixçənizə baxarkən sizi xeyirxah insan kimi yad edəcək. Çünkü, Opera GX brauzeri sizin bütün internet keçmişinizi dəyişərək, daha xeyirxah və faydalı internet keçmişi yaradacaq.
Beləliklə Opera GX brauzerində siz brauzer tarixçənizi dəyişmək istəyirsinizsə Fake My History funksiyasını aktivləşdirməlisiniz. Bu funksiya istifadəçi uzunmüddət, daha dəqiq desək 14 gün ərzində brauzerə daxil olmazsa onun tarixçəsini avtomatik olaraq dəyişəcək. Maraqlısı budur ki, dəyişilən tarixçə istifadəçini xeyirxah, o cümlədən düşüncəli insan kimi əks etdirəcək. Belə ki, Opera GX tərəfindən hazırlanan tarixçədə xeyirxahlıq, dil öyrənmək, heyvanlara yardım, könüllülük fəaliyyəti kimi məlumatlar əks olunacaq.
Qeyd edək ki, bu funksiyanı Opera GX brauzerində ünvan çubuğuna opera:history yazmaqla aktivləşdirmək olar. Hətta istifadəçi internet brauzerini funksiya vasitəsi ilə dərhal da dəyişə bilər. Bunun üçün isə “Ölü olduğumu iddia et” seçimindən istifadə etmək lazımdır. Tamamilə fərqli və həyatın reallıqlarına uyğun olan bu yenilik Opera istifadəçiləri tərəfindən maraqla qarşılanıb.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
