Samsung brendinin yaxın aylarda təqdim edəcəyi Galaxy S23 FE modeli ilk One UI 6.0 interfeysli smartfon olacaq. Xatırladaq ki, Cənubi Koreyanın texnologiya nəhəngi ötən aylarda yeni Galaxy S23 seriyasını təqdim etsə də, S23 FE modeli bura əlavə edilməmişdi. Sonradan məlum oldu ki, Samsung S23 FE modelini yaxın aylarda təqdim etməyi planlayır. SamLover mənbəsinə görə isə yeni model Android 14 əsaslı One UI 6.0 interfeysinə sahib olacaq.
Maraqlısı budur ki, 2022-ci ilin əvvəlində təqdim edilən Galaxy S21 FE modeli də Android 12 əməliyyat sisteminə sahib olan ilk smartfon olmuşdu. İndi isə yeni Galaxy S23 FE modeli One UI 6.0 interfeysli ilk smartfon olaraq təklif ediləcək. Ümumiyyətlə Galaxy S23 FE modelinin öz gücünü Exynos 2200 prosessorundan alması gözlənilir. Əslində bu prosessor yeni smartfona biraz aşağı performans verə bilər. Lakin qeyd etmək lazımdır ki, FE seriyası əsasən qiymət-perfomans modelləri ilə məşhurdur.
Bundan əlavə Yeni S23 FE smartfonu 6-128 və 8-256 yaddaş seçimləri ilə təklif olunacaq. Eyni zamanda yeni S23 FE smartfonu sələfləri ilə eyni 4500 mAs batareya həcminə sahib olacaq. Həmçinin smartfon 25 Vatt sürətli şarj dəstəyi ilə təklif olunacaq. Kamera xüsusiyyətlərinə gəldikdə isə arxa tərədə smartfon 50MP əsas kamera ilə təchiz ediləcək. İndiyə qədər Samsung FE modellərində 12MP kameradan istifadə edirdi. Bu yenilik Galaxy S23 modelində də eyni kameradan istifadə olunması ilə əlaqədardır. Qiymət tərəfində isə Galaxy S23 FE modelinin sələfindən 100$ daha ucuz yəni, 599$-a təklif ediləcəyi iddia olunur.
