Ötən günlərdə avtomobil və süni intellekt sahəsinə diqqət ayırcağını elan edən Mediatek şirkəti yeni Dimensity 7050 çipsetini təqdim edib. Qeyd edək ki, yeni çipset məhz aşağı və orta səviyyəli cihazlar üçün nəzərdə tutulub. Yeni çipsetin gələn həftə təqdim ediləcək Realme 11 seriyalı smartfonlarda istifadə ediləcəyi gözlənilir. Əslində MediaTek şirkəti mövcud Dimensity 900 və 1000 seriyalı çipsetlərini yenidən markalaşdıraraq 6000 və 7000 seriyası olaraq tədim edir. Bu addım şirkətin məhsul portfelini genişləndirmək və istehlakçılar üçün daha aydın etmək məqsədi daşıyır. Çipsetlərin parametrləri, yəni tərkibi dəyişməz olaraq qalır. Məhz bu gün təqdim olunan yeni Dimensity 7050 çipseti də Dimensity 1080 çipsetinin yenilənmiş versiyasıdır.
MediaTek Dimensity 7050 hansı xüsusiyyətlərə sahibdir?
Qeyd edək ki, yeni Dimensity 7050 çipseti 6nm TSMC texnologiyasına əsaslanır. Yeni çipset 2 ədəd yüksək performanslı Cortex-A78 2.6 Ghz nüvəsi, 6 ədəd qənaətcil Cortex-A55 2.0 Ghz nüvəsi ilə təchiz edilib. Belə ki, prosessor həmçinin Mali-G68 MC4 qrafik blokuna malikdir. Həmçinin yeni prosessor GNSS yəni qlobal naviqasiya peyk sistemi, Wi-Fi 6 texnologiyasına və LPDDR5 / 4x yaddaş və UFS 3.1/2.1 ilə təchiz edilib. Qeyd edək ki, MediaTek Dimensity 7050 çipseti 2520 x 1080 təsvir ölçülü, 120 Hz yeniləmə tezliyinə malik ekran imkanı təklif edir.
Bundan əlavə yeni çipset 200 MP-ə qədər kamera sensoru, 4K HDR video, Triple HDR-ISP və MENR kimi inkişaf etmiş texnologiyaları da dəstəkləyir. Dimenstiy 7050, HEVC və H. 264, HEVC formatlarının kodlaşdırılmasını dəstəkləməklə yanaşı, H.264 MPEG-1/2/4 və VP-9 kodeksləri ilə uyğunlaşa bilir. Elan olunan parametrlərə əsasən qeyd edə bilərik ki, yeni Dimensity 7050 çipsetinə əsaslanan cihazların oyun performansı əhəmiyyətli dərəcədə yaxşılaşacaq. Həmçinin MediaTek bildirir ki, yeni çipset Wi-Fi Rapid Channel, Super Hotspot kimi xüsusiyyətlətə sahibdir.
