Tayvanın ən böyük prosessor şirkəti olan MediaTek bütün diqqətini avtomobil və süni intellekt sahəsinə yönəltməyi planlayır. Belə ki, inflyasiya, smartfon müştərilərinin bolluğu və makro iqtisadi göstəricilər artıq tələbatı azaldır. Məhz bu səbəbdən də şirkət yeni potensiallı sahələrə daxil olacaq. Bu barədə şirkətin baş icraçı direktrou olan Risck Tsai qeyd edib. O bildirib ki, ” Biz, şübhəsiz ki, resurslarımızı avtomobil və süni intellekt sahəsinə yönəldəcəyik, çünki bu sahələr bizə növbəti üç-beş il ərzində böyüməyə imkan verəcək “. Həmçinin Tsai bildirib ki, şirkət yeni sahələrə keçid edərkən heç bir işçisi ilə yolları ayırmaq niyyətində deyil.
Əslində bu xəbər elə də təəccüblü olmamalıdır. Çünki bir neçə həftə əvvəl MediaTek Dimensity Auto çipseti bizə şirkətin avtomobil və süni intellekt kimi sahələrə daxil olacağının xəbərdarlığını etmişdi. Tsai qeyd edir ki, artıq bir çox texnoloji şirkət ChatGPT kimi perspektivli süni intellekti dəstəkləyə biləcək məhsullar təqdim etmək üçün rəqabət aparır. Məhz MediaTek şirkəti də süni intellekt sahəsinə böyük sərmayə qoyaraq onu dəstəkələ biləcək məhsullar təqdim edəcək. Həmçinin o vurğulayıb ki, avtomobil sahəsi gələcəkdə daha da təkmilləşəcək. Belə ki, avtomobillərin təkmilləşməsi üçün süni intellekt əsaslı çipsetlər hazırlanmalıdır.
MediaTek şirkəti diqqətini avtomobil və süni intellekt kimi sahələrə yönəltsə də, smartfon sahəsindən imtina etməyəcək. Lakin şirkət özü də smartfon sahəsində vəziyyətin yaxşı olmadığını başa düşür. Belə ki, tələb gözləniləndən aşağıdır. Bu səbəbdən də əsas üstünlük məhz yeni sahələrə veriləcək.
