Texnologiya sahəsində durmadan yeniliklərə imza atan Çin indi də Elon Musk-ın Hyperloop xəyalını reallaşdıracaq. Belə ki, artıq dünyanın ilk Hyperloop qatarının marşrut xətti də bəlli olub. South China Morning Post mənbəsi xəbər verir ki, vakum texnologiyasına əsaslanan qatar Çinin Guanghou və Şanxay şəhərləri arasında fəaliyyət göstərəcək. Qeyd edək ki, hər iki şəhər Çinin hətta dünyanın ən böyük sənayeləşdirilmiş şəhərləri hesab olunur. Çinin ən sürətli nəqliyyat vasitəsi olacağı gözlənilən qatar 175 km marşrutu 1000 km/saat sürətində qətt edə biləcək.
Futuristik qatarın bu qədər sürətli olma səbəbi heç bir sürtünmə qüvvəsinə məruz qalmamısıdır. Maqnit asqısı qatarın bir növ reyslərin üzərində uçmasına kömək edir. Heç bir sürtünmə qüvvəsi olmadığı üçün sərnişinlər yüksək sürəti belə hiss etmirlər. Qeyd edək ki, Çin xalq respublikasında istismara veriləcək olan Hyperloop qatarı normal qatarlardan dəfələrlə daha tez fəaliyyət göstərə biləcək. Belə ki, 1000 km/saat sürət ilə hərəkət edən qatar 175 km məsafəni sadəcə 15 dəqiqəyə qətt edərəcək. Normal qatarlar isə bu məsafəni 3 saata qətt edir.
Çin respublikasında yeni Hyperloop qatarı layihəsini Elon Musk-ın şirkəti də həyata keçirə bilər. Belə ki, bu layihə ilk dəfə 2013-cü ildə Elon Musk tərəfindən irəli sürülmüşdü. Yeni nəqliyyat xətti Çin üçün stratejik əhəmiyyətə sahibdir. Belə ki, yeni qatar ölkənin qərb bölgələrində nəqliyyatın inkişafına səbəb ola bilər. Onu da qeyd edək ki, Çin layihəni 2035-ci ilə qədər bitirməyi planlayır.
