Texnologiyanın inkişafı istifadəçiləri hakerlərin qurbanına çevrir. Belə ki, hakerlər zərərli proqramları əməliyyat sistemlərinə bir neçə üsul ilə yükləyərək şəxsi məlumatları əldə edirlər. Elastic Security Labs, əməliyyat sistemləri arasında ən çox zərərli proqrama malik olanı tapmaq üçün araşdırma edib. Araşdırmanın nəticələri 2023-cü il üçün qlobal təhdidlər hesabatında açıqlanıb. Windows, Linux və MacOS arasındakı araşdırma nəticəsində məlum olub ki, hakerlərin ən sevimli əməliyyat sistemi heç də Windows deyil. Qeyd edək ki, ən çox yayılmış zərərli proqram Trojandır. Belə ki, bu proqram ümumi zərərli proqramların 75%-ni təşkil edir.
Windows, Linux və MacOS əməliyyat sistemləri arasında keçirilən zərərli proqram araşdırması nəticəsində maraqlı nəticələr ortaya çıxıb. Bir çox insan Windows əməliyyat sistemini ən çox zərərli proqrama sahib olan sistem hesab etsə də nəticələr heç də belə olmayıb. Belə ki, aşkar edilmiş zərərli proqramların 54%-i Linux, 39%-i Windows və 6%-i MacOS əməliiyat sisteminə məxsusdur. Nəticədə isə macOS ən etibarlı Linux isə ən təhlükəli əməliyyat sistemi olub.
Qeyd edək ki, Windows, Linux və MacOS əməliyyat sistemləri arasında keçirilən zərərli proqram araşdırmasında məlum olub ki, Windows sistemindəki zərərli proqramların 95%-i Trojandır. Linux əməliyyat sistemində isə demək olar bütün tip zərərli proqrama rast gəlmək mümkündür. Qeyd edək ki, Linux əməliyyat sistemində bu qədər çox zərərli tətbiqin olması əsasən müxtəlif serverlərdən istifadə etməsi ilə əlaqədardır.
