Kriptovalyuta müasir dünyamızın mühüm bir hissəsinə çevrilib. Bitcoin, Ethereum və digər kriptovalyuta məzənnələrində bir müddətdir ki, düşüş baş verib. Bu bazarda vəziyyət o qədər yaxşı deyil və qeyri-stabil qalmağa davam edir. Lakin kriptovalyuta bazarında son zamanlar müəyyən dirçəliş baş verir. Məsələn, elə ötən gün 15 Avqust tarixində, 2022-ci ilin iyun ayından bu yana Bitcoin məzənnəsi bir müddətlik də olsa 25.000 dollar dəyərini keçmişdi. Lakin bu dəyər o qədər də uzun müddət sabit qala bilməyib.
Kriptovalyuta məzənnəsi necə dəyişdi?
Qeyd etdiyimiz kimi, Bitcoin qiyməti 25.000 dolları keçdikdən qısa müddət sonra yenə köhnə dəyəri olan 24.000 dollara geri qayıtdı. Bu göstərici 2020-ci ilin iyul ayının sonunda olan 19.000 dollar məzənnəsindən daha yaxşıdır.
Digər məşhur Ethereum kriptovalyutasının qiyməti isə 2% artaraq 2030,50 dollara çatıb. 31 may tarixindən bu yana Ethereum ilk dəfə 2000 dollar dəyərini keçib. Digər bir tərəfdən kriptvalyutanın tərtibatçıları “Proof of Work” mexanizmindən “Proof of Stake” keçidini də test ediblər. Yeni mexanizmdə mayninq nəticəsi avadanlıqdan yox, iştirakçılar sayından asılıdır. Rəsmi olaraq “Proof of Stake” mexanizminə keçid 15 Sentyabr tarixində baş tutmalıdır.
Bazarın gələcəyi necə olacaq?
Kriptovalyuta bazarının gələcəyi ilə bağlı analitiklər fərqli proqnozlar verirlər. Bir tərəf kriptovalyuta bazarında dünyada iqtisadi problemlər və inflasiya ilə bağlı düşüş təkrar düşüş olacağını təxmin edir. Bəziləri isə Bitcoin məzənnəsinin bir müddət sonra 100.000 dollara çatacağına inanır. Realda isə bazarın necə dəyişəcəyini heç kəs bilmir.
Dünyada baş verən qarşıdurmalar və digər geosiyasi hadisələrə kriptovalyuta bazarına ciddi şəkildə təsirini göstərir. Ola bilsin ki, bu hadisələr öz həllini tapandan sonra bazarda yenə sürətli dirçəliş baş versin. Bütün nəhəng şirkətlər hal-hazırda virtual reallıq məhsulları üzərində çalışır. Bu isə gələcəkdə həyatımızın bir hissəsini virtual reallıqda keçirmə ehtimalını artırır. Mütəxəssislər düşünür ki, bu zaman bizə kriptovalyuta lazım olacağından gələcəyə yatırım üçün kriptovalyuya almağa dəyər. Lakin bu fikirlər də biraz şişirdilmiş kimi görünür. Bəs sizin fikrinizcə kriptovalyuta bazarının gələcəyi necə olacaq?
