Texnologiya sahəsində daim yeniliklərə imza atan Çin bu dəfə rəqəmsal pul vahidləri ilə bağlı addım atıb. Belə ki, Çində SIM kartlar və NFC texnologiyası rəqəmsal pul vahidləri üçün əhəmiyyətli alətə çevrilir. Ümumiyyətlə müasir dövrün ən əhəmiyyətli texnologiyalarında biri məhz blokçeyn texnologiyasıdır. Çin rəsmi pulu hesab olunan yuanı rəqəmsal sistemə çevirəcək. Bununla da kriptovalyuta sahəsində mühüm dəyişikliklər baş verəcək.
Qeyd edək ki, Çİn kriptovalyutalara qadağa qoysa da, ölkə blokçeyn texnologiyasına əsaslanan rəqəmsal valyutanın (CBDC) qəbulu üzrə qlobal liderdir. Belə ki, Çin Mərkəzi Bankı rəqəmsal yuanla oflayn ödənişləri sınaqdan keçirməyə başlayıb. Lakin texnologiyaya əlavə funksionallıq qazandıran SIM kartlarla inteqrasiya olunmasıdır. Proses isə olduqca diqqət çəkir. Oflayn ödənişlər üçün SIM kartlar yerli mərkəzi bankın tətbiqi ilə inteqrasiya olunur və NFC ilə birləşərək SIM-dən təsdiqlənən məlumatlar hesabına ödəniş tamamlanır. Xidmətin ilk olaraq bəzi pilot bölgələrdə istifadəsi gözlənilir.
Bundan əlavə, ödəniş sistemi aktivləşdirdikdən sonra smartfonu ödəniş terminalına yaxınlaşdırmaqla, normal ödənişlərlə bənzər formada Çin Mərkəzi Bankı tərəfindən tam leqallaşdırılmış formada rəqəmsal pul vahidləri ilə ödəmə tamamlanır. Qeyd edək ki, əksər ölkələr hal-hazırda belə texnologiyaların tətbiqi üzərində işləyirlər. Lakin Çində yeni addım ilə rəqəmsal pul vahidləri daha da inkişaf edəcək. Həmçinin kriptovalyuta bazarında yuanın dəyəri də arta bilər. Xatırladaq ki, hazırda 1 ABŞ dolları 7,12 Çin yuanına bərabərdir. Bu isə o deməkdir ki, Çin yuanı dünyanın ən ucuz pullarından biridir. Bütün bunlara baxmayaraq, Çin iqtisadiyyatına görə dünyada lider mövqedədir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
