Huawei nova 10 seriyası tanıdılıb! | 60 MP selfi kamerası

Huawei nova 10 seriyası ötən gün çin istehsalçısı tərəfindən tanıdılıb. Bu model orta seqmentə aid olacaq. Təqdim edilmiş cihazlardan xüsusilə nova 10 Pro modelinin ən diqqət çəkən xüsusiyyəti 60 MP ön kamera almasıdır ki, ikinci selfi kamerası ilə 2 qat optik, 5 qat qədər rəqəmsal yaxınlaşdırma edə bilir. Ümumilikdə sadə və Pro olaraq 2 versiya tanıdılıb. Hər bir model 2 yaddaş versiyasına malikdir.

Huawei nova 10 Pro modelinin ekranı və çipseti

Huawei nova 10 Pro modeli 6,78 düym OLED ekran (2652×1200 piksel) ilə təmin olunub. Smartfon 120 Hz görüntü yeniləmə tezliyi və HDR Vivid rəng yaratma texnologiyasını dəstəkləyir. Şirkətin sözlərinə görə, bu modeldə istifadə olunan xüsusi alqoritm bəzi 60FPS görüntülərin tezliyini 120FPS-ə qədər qaldıra bilər.

Cihaza Snapdragon 778G çipseti quraşdırılıb. Operativ yaddaşın həcmi 8 GB təşkil edir. Daxili yaddaşda isə istifadəçilərə 128 GB və 256 GB yaddaş seçimi veriblər. Batareya həcmi 4500 mAs təşkil edir. Məlumatlara görə cihaz 100 Vt sürət ilə 20 dəqiqəyə 100% şarj olunur.

nova 10 Pro modelinin kamerası

Müasir smartfonlarda istehsalçılar kameraya çox önəm verirlər. Huawei nova 10 Pro modeli də bu məsələdə istisna olmayıb. Cihazın əsas xüsusiyyətıərindən biri 60 MP 100˚ ultra-geniş bucaqlı kamera modulu almasıdır. İkinci 8 MP sensor hesabına isə smartfon 2 qat optik və 5 qat rəqəmsal zum dəstəklənir.

Arxa kamera modulunda gəldikdə, 50MP (RYYB) əsas sensor, 8MP 112˚ dərəcə ultra-geniş bucaqlı və 2MP makro sensorları bizi gözləyir.

Sadə nova 10 modeli də tanıdılıb!

Pro versyia ilə bərabər sadə versiyası olan nova 10 modeli də tanıdılıb. Texniki göstəricilərində bəzi fərqlər var. FHD+ təsvir ölçülü 6,67 düym ekran 4000 mAs həcmli batareya və 66 Vt şarj dəstəkləməsini qeyd edə bilərik. Hər iki model HarmonyOS 2 ƏS əsasında çalışır. Yerdə qalan texniki xüsusiyyətlər Pro variantı ilə eynidir.