Micron şirkəti, yeni yaddaş texnologiyasından hazırlayaraq SSD-lərin tutumunu 200TB edəcək çiplər istehsal edib. Dünyada ən tanınmış SSD şirkətlərindən biri olan Micron, son illərdə əldə etdiyi irəliləyişlərlə SSD texnologiyasında fərqlilik yaratmağa çalışır. Şirkət, ötən günlərdə dünyanın ilk 232 qatlı NAND texnologiyalı yaddaş çiplərini istehsal etdiklərini açıqlayıb. Yeni 200TB SSD texnologiyası, yüksək səviyyəli serverlərdə HDD yaddaş həllinin sonunu gətirə bilər.
Micron-un yeni yaddaş texnologiyası SSD-lərin tutumunu 2 dəfəyə qədər artırır!
Ötən illərdə 176 qat NAND çipini istehsal edən şirkət bu uğuru ilə belə böyük təqdir almadı. Lakin bir il ərzində NAND çipinin tutumunu 35% artıran şirkət çoxlarını təəccübləndirməyi bacarıb. Keçən il buraxılmış 176 qatlı çiplərlə müqayisədə məlumatın emal sürəti də əhəmiyyətli dərəcədə artıb. Micron iddia edir ki, yeni çiplər 50%-ə qədər daha çox məlumat ötürə bilər. Çiplərin tutumunun artması məlumat saxlama keyfiyyətini də artırmışdır.
İndiyə qədər istehsal edilən ən yüksək tutumlu SSD 100TB olub. Micron şirkəti isə gələcəkdə 400TB tutuma malik SSD istehsal etməyi planlaşdırır. Yaxın gələcəkdə digər SSD istehsalçılarından, yaddaş texnologiyası ilə bağlı oxşar irəliləyişlər gözlənilir. Hal-hazırda, bazarda 100TB SSD-nin qiyməti 40 min dollardır təşkil edir. İrəliləyən zamanlarda texnologiyanın inkişafı və bazarda rəqabətin artması ilə yüksək tutumlu SSD-lərin qiymətinin aşağı düşəcəyi güman edilir. Yəni ən azından gündəlik istifadə etdiyimiz notbuklarda SSD-lər nisbətən daha ucuz qiymətə başa gələcək. Şirkət yeni yaddaş texnologiyasının istehsalını 2023-cü ildə daha da artıracaq.
Yeni yaddaş texnologiyası haqqında siz nə düşünürsüz? Fikirlərinizi aşağıdan rəylər bölməsində bizimlə bölüşə bilərsiniz.
