Sony DualSense Edge joystiki oyun həvəskarları üçün Gamescom sərgisində tanıdılıb. PlayStation 5 konsolunun yenilənmiş və təkmilləşdirilmiş joystikləri istifadəçilərə yeni özəlliklər təklif edəcək. Yeni joystik, Xbox Elite modelinə bənzəyir və istifadəçi onu hər oyun üslubu üçün “sökərək” xüsusiləşdirə bilər.
Təqdimat zamanı Sony şirkətinin təmsiçiləri xüsusilə qeyd ediblər ki, yeni DualSense modeli fərdiləşdirilə bilən yüksək performanslı joystikdir. İndi isə sizə hal-hazırda bilinən məlumatları təqdim edəcəyik.
Sony DualSense Edge joystikin xüsusiyyətləri haqqında
Qeyd olunduğu kimi, istifadəçilər yeni joystiki tam olaraq özlərinə uyğunlaşdıra biləcəklər. İstənilən düyməni dəyişdirmək və yaxud söndürmək mümkün olacaq. Əlavə olaraq istifadəçilər düymələrin həssaslıq səviyyəsini də tənzimləyə biləcəklər.
DualSense Edge istifadəçiləri çubuq formalı tətikləri istədikləri vaxt dəyişə biləcəklər. Standart, hündür və alçaq başlıqlı olmaqla 3 növ çubuq mövcuddur. Lakin dəyişiklik etmə imkanı bununla bitmir. Əlavə olaraq birbaşa tətiklərin gövdəsi də modulyar quruluşa sahib olduğu üçün, çubuqlar əvəzinə fərqli modullar taxa biləcəksiniz. Yəni Bu isə Xbox Elite ilə müqayisədə böyük bir üstünlükdür. Modullar çox güman ki, ayrıca satılacaq.
Qutu komplektasiyası və ayarlanması
Yeni nəsil DualSense Edge joystikinin qutusunda 2 ehtiyyat düymə dəsti də olacaq. Onlar cihazın arxa panelində quraşdırılıb. Hansı ki, bu düymələri də tənzimləmək mümkündür. Əlavə olaraq qutunun içində joystik üçün çexol olacaq. Həmin çexol eyni zamanda onu şarj etmək üçün istifadə olunacaq (USB, USB-C üzərindən).
Özünüzə uyğun ayarları seçdikdə, onları öz profilinizdə yadda saxlaya bilərsiniz. Ümumi beş profilə qədər yadda saxlamaq mümkün olacaq. Bu isə fərqli janrlarda oyun oynayan istifadəçilər üçün əla həll olacaq. Yeni FN düyməsi, profil ayarlarının menusunu açacaq.
Qiymət və satışa çıxma tarixi
Sony şirkəti yeni DualSense Edge joystik modelinin hələ ki, nə qiymətini, nədə satışa çıxma tarixini açıqlayıb. Sadəcə olaraq təqdimat videosu nümayiş etdirilib. Lakin yaxın aylarda ətraflı məlumat paylaşılacağı bildirilir.
Bu mövzu barədə siz nə düşünürsünüz? Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u ziyarət etməyi unutmayın.
