Tədqiqatçılar müəyyən ediblər ki, rezin və plastik saat qayışları metaldan daha çox bakteriya toplanmasına səbəb olur. Belə ki, bu barədə Florida Atlantik Universitetinin alimləri potensial təhlükəli patogen bakteriyaların tutulması risklərini qiymətləndirmək üçün müxtəlif materiallardan hazırlanmış qolbaqlar üzərində araşdırma aparıblar.
Tədqiqatçılar standart mikrobioloji testlərdən istifadə edərək bakteriya sayına, bakteriya növlərinə və onların saat qayışları üzərində yayılmasına baxıblar. Onlar həmçinin üç müxtəlif dezinfeksiyaedici məhlulun effektivliyini yoxlayan bakterial həssaslıq testi tədqiqatı da keçiriblər. Advances in Infectious Diseases jurnalında dərc edilən araşdırmanın nəticələri növbəti dəfə qayış alarkən metal, xüsusilə də “qızıl” və ya “gümüş” materialları seçməyin həqiqətən gigiyenik olduğunu ortaya çıxarıb.
Demək olar ki, bütün qolbaqlar 95% çirkləndirilib. Bununla belə, rezin və plastik qolbaqlarda daha çox bakteriya mövcud olarkən, metal qolbaqlarda, xüsusilə qızıl və gümüş bilərziklərdə bakteriya minimal olub. Qolbaqdakı bakterial yükün ən mühüm təyinediciləri qolbaq materialının teksturası və nümunə götürmə zamanı çirklilik səviyyəsi kimi nəzərdə tutulub. Yəni, bakterial qrupların formalaşmasında və ya yayılmasında kişilər və qadınlar arasında heç bir əhəmiyyətli fərq aşkar edilməmişdir.
Araşdırmanın yazarına görə tapılan bakteriyaların miqdarı və taksonomiyası bu səthlərin mütəmadi olaraq təmizlənməsinə mütləq ehtiyac olduğunu göstərir. Nisbətən az sayda olsa belə, bəzi patogenlər ictimai sağlamlıq üçün əhəmiyyət kəsb edir. Daha da əhəmiyyətlisi, bu bakteriyaların bir çoxunun immuniteti zəif olan insanların sağlamlığına əhəmiyyətli dərəcədə təsir göstərə bilməsi, tibb işçiləri və xəstəxana şəraitində saatlardan istifadə edənlərin daha da həssas yanaşmalı olduqlarını göstərib. Nəticə etibarilə çox su və ya spirtlə birbaşa təsir olmasa da mütəmadi təmizliyi diqqət etmək alimlər tərəfindən birbaşa tövsiyə olunur
