LG-nin artıq smartfon bazarında olmadığını yəqin ki, çoxumuz bilirik. Lakin bu o demək deyil şirkət digər telefon istehsalçıları üçün texnologiyalar hazırlamayacaq və ya inkişaf etdirməyəcək. LG Innotek smartfonlar üçün yeni nəsil periskopik kamera modulunu elan edib. Yeni periskopik kamera modulu 4 dəfədən 9 dəfəyə qədər böyütməni təmin edir. Üstəlik kiçik ölçüsü ilə rəqiblərdən fərqlənərək daha yaxşı foto və video keyfiyyəti təklif edir.
Innotek tərəfindən edilən açıqlamaya görə, bu texnologiya üçüncü tərəf şirkətlərə satılmaq üçün təkmilləşdirilir. Adi telefoto kameraları hal-hazırda müxtəlif qiymət səviyyələrində cihazlara quraşdırılır. Lakin daha böyük fokus məsafəsinə sahib periskopik kameralar bazarda geniş yayılmayıb. Üfüqi yerləşdirilmiş obyektiv və güzgülərə sahib yeni periskopik kamera millimetr dəqiqliyi ilə işləyir. Avtofokus xüsusiyyətində olduğu kimi sürətli, səssiz və sabit çəkilişləri təmin edir. Daxili OIS xüsusiyyətinə malik sistem əllə çəkilişlərin kəskinliyini də artırır.
LG-nin periskopik sensoru 100-200 mm arası aktiv dəyişə bilən fokus məsafəsinə malik olacaq. Üstəlik bütün bunları yeni texnologiya hesabına olduqca kiçik obyektivlə təmin edir. Müqayisə üçün qeyd edək ki, oxşar kamera modulu Sony Xperia 1 IV modelində 3,5-5,2x arası böyütmə və 85-125 mm arası dəyişən fokus məsafəsin malikdir. Galaxy S22 Ultra modelində isə 230 mm maksimum fokus məsafəsi ilə 10x böyütmə etmək mümkündür. Lakin bu periskopik kamera texnologiyaları Sony və Samsung tərəfindən, xüsusilə özlərinə aid cihazlara quraşdırmaq üçün təkmilləşdirilib.
LG bildirib ki, layihə çərçivəsində onlar Qualcomm ilə tərəfdaşlıq müqaviləsi bağlayıblar. Üstəlik bu kamera texnologiyasına flaqman Snapdragon 8 Gen 2 çipseti səviyyəsində texniki dəstək verilib. Yeni nəsil kameralı smartfonlar CES 2023 sərgisində təqdim olunacaq. İlkin ehtimallara görə Apple şirkəti də bu periskopik obyektivi qarşıdan gələn iPhone modellərinə quraşdırmaq üçün işlər görür. Bu texnologiya hesabına iPhone 15 seriyası optik yaxınlaşdırma cəhətdən də olan çatışmazlığı bərpa edə bilər.
