iPhone istifadəçiləri kütləvi şəkildə Apple hesab məlumatlarını hədəf alan yeni SMS hücumu ilə üzləşirlər. Hakerlər iCloud-a daxil olmaq istəyən Apple xidmətləri kimi davranırlar və bu səbəbdən insanlar heç nə anlamadan öz hesab məlumatlarını hakerlərə ötürürlər.
Təhlükəsizlik proqram təminatı şirkəti Symantec, iPhone istifadəçilərini hədəf alan yeni bir kiberhücumun olduğunu və hakerlərin fişinq hücumu ilə istifadəçilərin Apple hesab məlumatlarını əldə etməyə çalışdıqlarını bildirib. Kibercinayətkarlar qurbanların şəxsi məlumatlarını oğurlamaq üçün Apple adı ilə görünən SMS mesajları göndərirlər. Beləliklə, Apple hesab məlumatlarınız sadəcə bir SMS vasitəsi ilə oğurlana bilər. Symantec bildirib ki, “Apple etimadnamələri son dərəcə qiymətlidir; cihazlar üzərində nəzarət əldə edə, şəxsi və maliyyə məlumatlarına daxil ola və icazəsiz alışlardan qazanc əldə edə bilərsiniz.”
Zərərli SMS mesajları Apple-dan gəlmiş kimi görünür və istifadəçilər göndərilən keçidə klikləməklə iCloud hesabına daxil olurmuş kimi yönləndirilir. Etibarlılıq üçün alıcıdan saxta iCloud giriş səhifəsinə yönləndirmədən əvvəl CAPTCHA testini tamamlaması xahiş olunur. Qeyd edək ki, Apple belə SMS göndərmir və istifadəçi iCloud saytına daxil olmaq üçün CAPTCHA əvəzinə Touch ID/Face ID yoxlamasından keçməli və ya cihaza göndərilən altı rəqəmli təhlükəsizlik kodunu daxil etməlidir. Hazırda yüzlərlə iPhone istifadəçisi bu hücumun qurbanına çevrilsə də, Apple şirkəti bu fişinq hücumi ilə bağlı istifadəçilərinə xəbərdarlıq etməyib.
