Apple şirkətinin qurucularından olan Steve Jobs və Steve Wozniak tərəfindən hazırlanan Apple-1 masaüstü kompüteri hərraca çıxarılıb. 1976-ci ildə təqdim edilmiş bu cihaz Amerikalı şirkətin ilk modeli idi. Məhz bu səbəbdən də bu model, Apple kolleksiyaçıları və ya pərəstişkarları üçün çox dəyərli hesab olunur. Belə ki, RR Hərrac evində satışa çıxarılmış modelin 375 min dollardan daha çox qiymətə satılacağı gözlənilir. Qeyd edək ki, 1976-cı ildə təqdim olunmuş bu kompüter sadəcə 200 ədəd istehsal olunsa da, hal-hazırda yalnız 60-70 ədədi mövcuddur. Ona görə də, şirkətin istehsal etdiyi ilk model çox nadir və dəyərlidir.
Əlavə olaraq qeyd edək ki, hal-hazırda hərraca çıxarılan bu model ilk dəfə 2018-ci ildə hərraca çıxarılmışdı. Belə ki, Corey Cohen tərəfində işlək vəziyyətə gətirilən Apple-1 kompüteri 375 min dollara satımışdı. İndi isə yenidən hərraca çıxarılmış bu modelin daha baha qiymətə satılacağı gözlənilir.
1976-cı ildə istehsal olunmuş Apple-1 hansı xüsusiyyətlərə sahibdir?
2018-ci ildə Corey Cohen tərəfindən hərraca çıxarılmış Apple kompüteri texniki vəziyyətdən çox yaxşı idi. Belə ki, 1 MHz tezlikli MOS 6502 prosessoru, 4 KB RAM və 456 KB yaddaş ilə təchiz olunmuş bu kompüter tamamilə işlək vəziyyətdə idi. Qeyd edək ki, sınaq zamanı model 8 saat səhvsiz şəkildə işləmişdi. Hətta modelin yuxarı hissəsində orjinallığını təsdiqləyən göstərici də var idi. Bu göstərici Steve Jobs-a məxsus əl yazısı idi. Bundan əlavə cihazın istifadəçi təlimatı, ASCII klaviaturası və 40×24 təsvir ölçülü Sanyo 4205 monitoru da mövcud idi.
Hərraca çıxarılan bütün modellər yaddaşına və vəziyyətinə görə fərqləndirilir. Belə ki, onlar 130-815 min dollar aralığında satışa çıxarılır. Hal-hazırda hərracda olan Apple-1 kompüterinin satılacağı qiymət isə 15 dekabr tarixində məlum olacaq.
