ABŞ Federal Rabitə Komissiyası (FCC) bu gün genişzolaqlı internet tarifini ən azı 100 Mbit/s endirmə(Download) sürəti və ən azı 20 Mbit/s yükləmə(Upload) sürəti kimi dəyişib. Qeyd edək ki, 2015-ci ildən genişzolaqlı tarifi rəsmi olaraq 25 Mbit/s endirmə sürəti və 3 Mbit/s yükləmə sürəti kimi təyin edilmişdi. Son dövrlərdə, internetin inkişafı və texnologiyanın bu qədər inanılmaz səviyyələr gəlib çatması artıq bu anlayışın da yenilənməsini vacib edib. Habelə, ABŞ Federal Rabitə Komissiyası bildirir ki, əslində bu göstəricilər 2021-ci ildən bu yana demək olar bütün dünya üzrə standart olub.
Ümumiyyətlə, genişzolaqlı internet anlayışı vacib hesab olunur, çünki, o genişzolaqlı rabitənin keyfiyyətini qiymətləndirmək və ABŞ-da standart internet sürətini təmin etmək üçün ISP-ləri tənzimləmək məqsədi ilə FCC meyarlarını verir. FCC standartları “istehlakçıların istifadə nümunələri”, o cümlədən federal və əyalət agentliklərinin maliyyə imkanları və tələblərinə əsaslanır. FCC üzvü olan Jessica Rosenworcel bildirib ki, “Açığını desəm, düşünürəm ki, bizim yeni həddi 100 Mbps olmalıdır. Hesab edirəm ki, bundan daha aşağı olan hər şey uşaqlarımızın gələcəyini oğurlayır və yeni rəqəmsal iqtisadiyyatı ləngidir”.
Genişzolaqlı sürətin yeni tərifinin istifadəçinin genişzolaqlı sürətə dair şəxsi qavrayışa uyğun olub-olmaması onların yaşadığı yerdən asılıdır. FCC-yə görə, sabit yerüstü genişzolaqlı internet hazırda təxminən 24 milyon amerikalı, o cümlədən kənd yerlərində yaşayan amerikalıların təxminən 28%-i və qəbilə torpaqlarında yaşayan ABŞ vətəndaşlarının 23%-dən çoxu üçün fiziki olaraq mövcud deyil. 5G mobil əhatə dairəsi bütün amerikalıların təxminən 9%-i, kənd ətraflarında yaşayan amerikalıların isə təxminən 36%-i üçün minimum 35 Mbit/s yükləmə sürətini təmin etmir. 45 milyon amerikalının həm 100 Mbit/s yükləmə sürəti ilə sabit genişzolaqlı internetə, həm də 35 Mbit/s yükləmə sürətinə malik 5G mobil xidmətlərinə çıxışı yoxdur.
