Hər bölgədə 5G texnologiyası istifadə edən mobil abunəçilərinin sayı artsa da, 2023-cü ilin sonuna qədər qlobal miqyasda 1,5 milyarda çatacağı gözlənilir. Ən sürətli artım isə gözlənilməz olsa da Hindistanda görülüb. Bu barədə məlumat Ericsson Mobility 2023-cü ilin iyun sayı dərc olunub. Yeni hesabat göstərir ki, geosiyasi problemlərə və bəzi bazarlardakı makroiqtisadi yavaşlamaya baxmayaraq, bütün dünyada rabitə xidməti təminatçıları 5G-yə sərmayə qoymağa davam edir.
2022-ci ilin oktyabr ayında Hindistan 5G texnologiyası istifadə etməyə başlayandan təşəbbüs olduqca adi hala çevrilib. Keçən il Hindistanda 5G abunəçilərinin sayının 10 milyona yaxınlaşdığı açıqlandı. Ericsson Mobility Report-a görə, bu rəqəmin 2028-ci ilin sonuna qədər ölkədəki bütün mobil abunəçilərin təxminən 57 faizini təşkil edəcək.
Dünyanın hər bir bölgəsində 5G abunəçilərinin sayı artır və bu artımın 2023-cü ilin sonuna qədər 1,5 milyarda çatacağı gözlənilir. Eyni zamanda, qlobal mobil şəbəkə məlumat trafikinin artımı davam edir. 2023-cü ilin sonuna qədər hər bir smartfon üçün qlobal orta aylıq trafik istifadəsinin 20 GB-ı keçəcəyi təxmin edilir. Hesabat həmçinin aparıcı 5G bazarlarında mənfəət artımının davam edəcəyini proqnozlaşdırır. Ericsson-un Şəbəkələr üzrə İcraçı Vitse-Prezidenti Fredrik Jejdling deyib: “5G texnologiyasının qloballaşması ilə abunəşilərin sayı bir milyardı ötüb. Bu, aparıcı 5G bazarlarında fəaliyyət göstərən rabitə xidməti təminatçıları üçün müsbət gəlir artımı ilə nəticələndi. 5G abunəliklərinin artması ilə xidmət gəlirləri arasında güclü korrelyasiya var. Son iki ildə ilk 20 bazarda 5G xidmətlərinin tətbiqi gəlirin 7% artması ilə nəticələnib. Bu nəticə həm 5G-nin artan dəyərini, həm də onun istifadəçilər və xidmət təminatçıları üçün faydasını nümayiş etdirir”.
5G bazarının əhəmiyyətli böyüdüyü bazarlarda mənfəət artımı davam edir və 5G texnologiyası innovasiyaya yaxşı təkan verir. Hesabatlar isə bəzi yatırımlar üçün xəbərdarlıq məqsədi daşıyır. Hal-hazırda dünya üzrə 240-a yaxın xidmət təminatçısı 5G texnologiyasını təklif edir.
