Biləyə taxılan izləmə cihazları gündəlik insanlar üçün daha əlverişli həll yolu olsa da ağıllı yastıqla eyni dəqiqlik səviyyəsinə yaxın deyil. Çin alimləri sistemi gücləndirmək üçün baş hərəkətləri vasitəsilə işləyən yuxunun keyfiyyətini izləmək üçün nəzərdə tutulmuş ağıllı yastıq hazırlayıblar.
Bu yaxınlarda ACS Applied Materials & Interfaces -də nəşr olunan bir məqalədə Çinli tədqiqatçılar qrupu, yatdığımız yastığı necə rahat yuxu izləmə cihazına çevirdiklərini ətraflı şəkildə təsvir ediblər. Üstəlik bunu batareya və ya bağlı enerji mənbəyi istifadə olunmudan ediblər. Bunun əvəzinə yastıq hərəkətləri və sürtünməni enerjiyə çevirə bilən triboelektrik nanogeneratorlar (TENGs) adlı texnologiyayadan istifadə edilib. Triboelektrik yanaşma fiziki olaraq toxunduqları digər materiallardan ayrıldıqda elektrik yükü qazanan materiallara əsaslanır. Çoxumuz yun materiala sürtündükdə statik enerji yarandığını görmüşük. Bu, triboelektrik yüklənmənin sadələşdirilmiş nümunəsidir.
Tədqiqatçılar yuxuda olan adamın başının yerini və hərəkətlərini zamanla, onların nə qədər narahat edici yuxulardan təsirləndiyinin güclü göstəricisini izləyə bilmək üçün yastığın səthi boyunca bu triboelektrik generatorların şəbəkəsini yaradırlar. Sürtünmə və mexaniki enerjini elektrik enerjisinə çevirən bu sistemlər, hərəkət edən bədənin enerjisindən istifadə etmək qabiliyyətinə görə geyilə bilən qurğular üzrə tədqiqatların ən qabaqcıl nöqtəsindədir.
Yastıq yuxu keyfiyyətini izləməklə yanaşı, başlarını hərəkət etdirmə qabiliyyətinə təsir edən pozğunluqlarla üzləşənləri izləmək və zamanla vəziyyətin gedişatını dəyişmək üçün də istifadə edilə bilər. Hətta generatorlar üzərində qəfil təzyiqin yox olması yuxuda olan şəxsin gecənin ortasında yatağından qalxdığına dair xəbərdarlıq kimi də istifadə oluna bilər. Yeni ağıllı yastığın yaradıcıları isə daha az məhdudlaşdırıcı və istifadəçinin rahatlığına xələl gətirməyən bir həll axtarırdılar.
Ağıllı yastığın quruluşu necədir? (video)
Yastıq baş hərəkət edərkən elektrik cərəyanı yaradan çevik, məsaməli polimer triboelektrik təbəqələrdən ibarətdir. Bunlar adi bir yastığın üstünə yerləşdirilib və tətbiq olunan təzyiqin miqdarına cavab olaraq bir gərginlik (siqnal) yaradır. Yastıq yuxu keyfiyyətini izləmək üçün nəzərdə tutulsa da, yastığın boyun xəstəlikləri ilə bağlı şikayətləri olan xəstələri izləmək və ya müşahidə də tutmaq üçün də istifadə oluna bilər.
Sizin bu barədə olan fikirləriniz bizim üçün çox maraqlıdır. Fikirlərinizi rəylərdə bizimlə bölüşməyi unutmayın.
