Apple, sensor ekran xüsusiyyətinə malik MacBook modeli üzərində işləyir. OLED sensor ekrana sahib olacağı gözlənilən yeni MacBook Pro modeli 2025-ci ildə təqdim oluna bilər. Lakin, “sensor ekranlar şaquli olmaq istəmir. Bu işləmir. Erqonomik baxımdan bərbaddır”. Bu sözlər Steve Jobsun 2010-cu ilin oktyabrında MacBook Pro təqdimat mərasimində söylədiyi məşhur sözlərdir. O vaxtdan bu vaxta çox şey dəyişsə də Apple şirkəti hələ sensor ekranlı notbuk buraxmayıb.
Apple şirkətinin sensor ekran xüsusiyyətini MacBook modellərinə gətirməməsinin ən böyük səbəbi şirkətin digər uğurlu məhsul qrupu olan iPad ailəsidir. Lakin sensorlu ekran xüsusiyyəti ilə MacBook və iPad modelləri ilə rəqabət aparmaq istəməyən Apple bu mövzuda fikrini dəyişmiş ola bilər. Bloomberg News-un yeni paylaşımı göstərir ki, Apple şirkəti hazırda 2025-ci ildə gələcək sensor ekranlı MacBookları sınaqdan keçirir.
Apple haqqında dəqiq proqnozları ilə tanınan Bloomberg resursundan Mark Gurman tərəfindən çatdırılan məlumata görə, Apple sensor ekran xüsusiyyətinə malik MacBook modeli üzərində işləyir. OLED sensor ekran panelinə sahib olacağı gözlənilən yeni MacBook Pro modeli 2025-ci ildə təqdim oluna bilər.
Apple hazırda macOS və iPadOS əməliyyat sistemlərini birləşdirməyi planlaşdırmır. Xatırladaq ki, iPhone və iPad üçün hazırlanmış proqramlar artıq M seriyalı prosessorları olan MacBook modellərində işləyə bilər. Sensor ekranlı MacBook modellərinin gəlməsi ilə bu proqramlar çox daha rahat istifadə oluna bilər. Apple şirkəti keçmişdə sensor ekranlı notbuk prototipləri ilə daxili təcrübələr aparsa da uğursuz olub.
