The Wall Street Journal–dan Joanna Stern dünən 29 iyun 2007-ci ildə təqdim edilən cihazın 15-ci ildönümü ərəfəsində iPhone modellərinin təkamülü haqqında yeni sənədli film paylaşıb. Filmdə Apple şirkətinin baş marketinq direktoru Greg Joswiak, iPhone-un yaradıcılarından Toni Fadell və iPhone istifadəçiləri ilə müsahibələr yer alıb.
Sənədli filmin fraqmentlərindən birində Android istehsalçılaran iPhone-dan daha əvvəl böyük ekranlara sahib smartfon çıxarmasından bəhs olunur. Belə ki, Greg Joswiak-a Samsung və digər Android smartfon istehsalçılarının o vaxtlar atdığı bu addımın “Apple”-a necə təsir göstərdiyi ilə bağlı sual ünvanlanıb. Joswiak isə Apple şirkətinin bundan qıcıqlandığını, hətta o vaxt çıxmış cihazların iyrənc bir şəkildə iPhone modellərindən kopyalandığını bildirib.
Samsung 2013-cü ilin əvvəlində 5 düymlük ekrana malik Galaxy S4 modelini təqdim edərkən, Apple isə 4 düymlük iPhone 5 modeli ilə bazarda idi. Lakin daha sonra Apple 2014-cü ildə ilk böyük ölçülü smartfonları olan 4,7 düymlük iPhone 6 və 5,5 düymlük iPhone 6 Plus modellərini buraxdı. Bu cihazlara tələbat yüksək idi və indiyə qədər ən çox satılan iPhone-lar sırasına daxil oldular. Yəni iPhone 5 seriyasından iPhone 6 seriyasına keçid zamanı, Samsung və digər şirkətlər Apple şirkətini qabaqlayaraq öz böyük ekrana sahib cihazlarını bazara çıxardılar.
Apple 2011-ci ildə Samsung-u patent pozuntusuna görə məhkəməyə vermişdi. Samsung-un iPhone dizaynını öz Galaxy smartfonlar xətti ilə kopyaladığını iddia edirdi. Apple əvvəlcə təqribən 1 milyard dollar təzminat almağı bacardı. 2018-ci ildə Apple nəhayət Samsung ilə razılıq əldə etdi və aşağıdakı açıqlamanı yaydı:
Biz dizaynımızın dəyərli olduğuna dərindən inanırıq. Komandalarımız müştərilərimizi sevindirən innovativ məhsullar yaratmaq üçün yorulmadan çalışır. Apple şirkəti iPhone ilə smartfon inqilabını alovlandırdı və bu bir həqiqətdir ki, Samsung bizim dizaynımızı açıq şəkildə kopyaladı. Apple-da bir çox insanın zəhmətini və innovasiyasını qorumağa davam etməyimiz vacibdir.
Buna görə də münsiflərə göstərdikləri xidmətə görə minnətdarıq. Samsung-un məhsullarımızı kopyaladığı üçün təzminat ödəməli olduğu barədə bizə həmfikir olduqlarına görə məmnunluğumuzu bildiririk.”
Bəs siz bu haqqda nə fikirləşirsiniz? Sizcə Apple doğrumu deyir? Fikirlərinizi bizimlə şərh hissəsində bölüşməyi unutmayın.
