Son günlərdə gündəmdən düşməyən yeni Xiaomi 13 smartfonunun təqdimatı təxirə salınmışdı. Buna səbəb isə sabiq Çin prezidenti olan Jiang Zemin-in ölümü idi. Xiaomi şirkəti təxirə salınanan təqdimatın nə zaman keçiriləcəyini hələ də açıqlamasa da bəzi mənbələr artıq təqdimat tarixi barədə iddialar irəli sürməyə başlayıb. Belə ki, Weibo sosial şəbəkəsində yayılan Mi Store tətbiqinin ekran görüntüsündə təqdimatın keçiriləcəyi tarix 11 Dekabr olaraq görünüb.
Yaxın günlərdə baş tutması gözlənilən Xiaomi təqdimatı zamanı hansı modellər təqdim olunacaq?
Qeyd edək ki, şirkətin bu yaxınlarda keçirməyi planlaşdırdığı təqdimatda yeni Xiaomi 13 seriyasının, Xiaomi Buds 4 qulaqlığının, Xiaomi Watch S2 ağıllı saatının, habelə Xiaomi Mini Host kompüterinin təqdim olunacağı gözlənilir. 11 Dekabr yerli vaxtla saat 19:00-da baş tutması gözlənilən təqdimatda həmçinin bəzi təkmilləşdirmələrdə elan olunacaq.
Əlavə olaraq qeyd edək ki, yeni Xioami 13 seriyasının Xiaomi 13 və Xiaomi 13 Pro modelləri barədə indiyə qədər bir çox iddialar irəli sürülüb. Belə ki, analtiklər smartfonun sadə versiyanın 6.36 düymlük, Pro versiyasının isə 6.73 düymlük AMOLED ekran paneli ilə təchiz olunacağını iddia edir. Bundan əlavə isə smartfonun dəri və şüşə korpus seçimi ilə təklif olunacağı da gözlənilir. 120Hz ekran yeniləmə tezliyinə sahib olan smartfon Snapdragon 8 Gen 2 çipseti ilə də təchiz ediləcək. Batareya tərəfində isə smartfonun sadə versiyası 67 Vatt sürətli şarj dəstəkləyən 4820 mAs batareya təchiz edilə bilər. Xiaomi 13 Pro modelinin isə 120 Vatt sürətli şarjı dəstəkləyən 4820 mAs batareya ilə təchiz olunması gözlənilir.
Yeni təqdim olunacaq smartfonun eləcə də Xiaomi Buds 4 qulaqlığının xüsusiyyətləri ilə ətraflı tanış olmaq üçün aşağıdakı xəbərə keçid edə bilərsiniz.
