Xiaomi şirkətinin ağıllı saat və xüsusilə qolbaqları dünyanın bir çox ölkəsində yüksək satış ədədləri ilə daim diqqət mərkəzində olmuşdur. Xüsusilə hər il cüzi də olsa kiçik yeniləmələr edildiyindən keçmiş adı ilə Mi Band və yeni adı ilə Xiaomi Smart Band seriyası istifadəçilərin seçimləri arasında üst pillələrdə qalmağa davam edirlər. Ən son Xioami Smart Band 7 seriyası ötən ilin may ayında yenilənmişdi. Əgər xatırlayırsınızsa, Xiaomi Band 6 ilə müqayisədə 1,62 düymlük ekran əldə etmişdi. Xiaomi şirkəti əvvəlki Xiaomi Band 6 ilə müqayisədə ekran ölçüsünü 25% böyütmüşdü. Ortaya çıxan görüntülərə görə Xiaomi Smart Band 8 seriyasında da bizi bəzi yeniliklər gözləyir.
Xiaomi Smart Band 8 modeli hansı yeniliklərə malik olacaq?
Görüntülərini gördüyünüz ağıllı saatla bağlı təfərrüatlar həqiqətən çox azdır. Lakin ilk baxışdan sanki, Xiaomi Smart Band 8 ağıllı qolbağı cüzi daha qalın və sanki ekranın cüzi enli, kəskin kənarlı və daha da optimallaşdırılmış ekran çərçivələri ilə qarşımıza çıxır. Kontrastı dəyişdirilmiş şəkilə baxdıqda ekranın kənarları boyu çərçivə kəsiyindən bunu müşahidə edə bilərsiniz. Texniki baxımdan rəqəmlərdə isə nə ekran, nə gövə barədə ölçünün qeydə alındığı məlumat görə bilmirik. Ən böyük dəyişiklik məhz qayışların yenilənməsi cəhtdən özünü göstərir.
Bu vaxta qədər Xiaomi Smart Band seriyası tək qayışlı quruluşa malik idi. Yəni ağıllı saat qayışın üzərinə oturacaq şəkildə dizayn edilmişdi. İndi isə 2 ayrı hissədən ibarət ənənəvi saat qayışlarını görmək mümkündür. Əslində belə qayışlara keçid edilməsi yenə də ağıllı saatın gövdəsinin təkmilləşdiyindən xəbər verir. NRRA Korea sertifikatlaşdırma siyahısında görülən ağıllı saat Bluetooth 5.1 texnologiyası ilə təchiz olunacaq. Sertifikatlaşdırma prosesindən olan görüntülərə görə sensorlarda da kiçik dəyişikliklər edildiyi müşahidə olunur. Ağıllı saat ən gec mayda satışa çıxarılmalıdır.
