Smartfon alarkən diqqət edilməli məqamlardan biri də batareyadır. Əslində bəzi istifadəçilər üçün batareyanın ömrü ən əhəmiyyətli kriteriyadır. Elə bu səbəbdən bir çox model yüksək səviyyəli performans təqdim etsə də, batareya baxımından arzuedilən performansı təqdim etmədiyi üçün onlara üstünlük verilmir. Təbii ki, 2023-cü ildən etibarən smartfonların batareya tutumları müəyyən standart çərçivəsində fəaliyyət göstərir və buna görə də biz çox yüksək tutumlar görmürük. Ancaq görünən odur ki, bəzi istifadəçilər telefonları dəyişdirərək artıq bu standartı keçiblər. Nümunə olaraq 30 000 mAs batareyaya malik Samsung Galaxy A32 5G modelini göstərə bilərik.
Samsung Galaxy A32 5G bu gün ən çox seçilən orta seqment telefonlarından biridir və 5000 mAs batareyası ilə istifadəçiləri məmnun etməyi bacarır. İstinad üçün, bu, hətta müasir telefon standartlarına görə də artıq olduqca böyükdür. Bu gün satılan smartfonların əksəriyyətində ortalama 3500-4500 mAs batareya var. Bununla belə, cihazın təklif etdiyi batareyanın ömrü “Downtown_Cranberry44” adlı Reddit istifadəçisi üçün kifayət etməmiş ola bilər, buna görə də mod ehtiyacı yaranır. Bu yolla Galaxy A32 5G modelinin batareyasının həcmi təxminən 6 dəfə, 30 000 mAs-a qədər artırılır.
Bu məqamda istifadəçi xaricdə 5 dollara satılan Samsung 50e batareyalarını Samsung Galaxy A32 5G modelinə qoşmağı bacardığını bildirir. O, hətta əlavə edir ki, iki USB-A, bir USB-C, mikro USB və Lightning portunu cihaza inteqrasiya edib. Yəni, siz bu portlar vasitəsilə Galaxy A32 modelini 30 000 mAs həcmli powerbank kimi də işlədə bilərsiniz. başqa cihazları da böyük bir ehtimalla şarj edə bilərsiniz. Nəticədə smartfonun ümumi çəkisi 500 qrama yüksəlir. Eyni zamanda xarici görünüş baxımından gözlənildiyi kimi kifayət qədər kobud dizayn ortaya çıxıb.
