Apple şirkətinə məxsus yeni patent bir insanın üzünü, boynunu, qollarını, ayaqlarını, bir sözlə, bütün bədənini skan edə bilən texnologiya üzərində işləyir. Body ID olaraq adlandırılan yeni texnologiya Touch və Face ID-dən kənardır, yəni iPhone-dan başqa istənilən cihazda istifadə edilə bilər.
Şirkətin patent müraciəti adi fotoşəkillərlə yanaşı infraqırmızı təsvirlər də daxil olmaqla, xarici sensorlarla çəkilmiş dərinlik xəritələri əsasında bədən quruluşunu təhlil etmək məqsədi daşıyır. Apple artıq üz üçün infraqırmızı təsvirlərdən istifadə edərək belə biometrik göstəricilərdən yarada bilir, lakin bu patentdə eyni texnologiya bütün bədən üçün istifadə olunur.
Biometrik həllərlə bağlı texnologiya dünyası üçün bu yeni bir şey deyil, lakin Apple şirkətinin bu patentdə təklif etdiyi şey bədən məlumatlarının analizində tamamilə yeni səviyyə gətirə bilər. Apple nəinki insanın bədəninin tam görüntüsünü əldə edəcək, həm də bədənin müəyyən hissəsində problemi müəyyən edib təkliflər təqdim edəcək.
Şirkət həmçinin bu texnologiyadan ən səmərəli şəkildə istifadə etmək üçün bir növ maşın öyrənmə və süni intellekt alqortimləri hazırlayacaq. Apple müəyyən müddət ərzində iddialara görə, bir qrup iştirakçıdan topladığı məlumatlarla hərəkət edəcək, lakin patentə görə nə iştirakçıların sayı, nə də müddəti müəyyən deyil. Əlbəttə ki, bədən skanları nə qədər çox edilsə, bir o qədər yaxşıdır. Digər tərəfdən, Body ID olaraq adlandırılan bu skan etmə texnologiyasının hansı cihazda istifadə ediləcəyi bəlli deyil. Texnologiya iPhone modellərinə belə daxil edilə bilər və ya başqa cihazda istifadə oluna bilər.
