Yaddaş həlləri və proqram məhsullarını inkişaf etdirən Pure Storage şirkəti, flaş modullarından (DFM) istifadə edən (SSD) sərt disklərin tutumunun bir neçə ildən sonra altı dəfə artaraq 300 TB-ə çatacağını gözləyir. Sözsüz ki, həcmin bu qədər artması qiymətləri də artıracaq. Pure Storage CTO–su Alex McMullan müsahibəsində bu sözləri deyib: “Növbəti bir neçə il üçün planımız sərt diskdə rəqabətədavamlı mövqeyimizi tamamilə yeni sahəyə götürməkdir. Bu gün biz 24TB və 48TB DFM diskləri istehsal edirik. Biz 300 TB disk hədəfinə 2026-cı ilə qədər və ya ondan əvvəl çatmağı hədəfləyirik.
Pure Storage şirkətinin xüsusi DFM drayverləri yalnız şirkətin FlashArray və FlashBlade saxlama sistemləri ilə istifadə edilə bilər. Buna görə də, bu SSD-ləri şəxsi kompüterinizdə və NAS serverinizdə istifadə etmək mümkün olmayacaq.
3D NAND istehsalçıları təxminən iki ildən bir öz məhsullarının yeni nəsillərini buraxırlar. Bu il istehsalçılar ~200 qatlı 3D NAND istehsalını artırmağa hazırlaşırlar, ona görə də 2025-ci ildə ~300 qatlı 3D NAND və 2027-ci ildə ~400 qatlı 3D NAND çiplərini gözləmək yanlış olmaz. Digər tərəfdən, Pure Storage üçün qiymət məqamı da var. Şirkət bu ayın əvvəlində istifadəyə verdiyi FlashBlade//E üçün (4PB) qarşılığında 800.000 dollar qiymət təklif edir. Buna görə də, eyni sistemdə 300 TB DFM modulları istifadə edilərsə, ümumi tutum 12 PB-ə qədər artacaq. Bu səbəbdən təqdim olunacaq sistemin qiyməti daha da baha ola bilər.
