ASUS ABŞ-da keçirilən CES 2023 sərgisində dünyanın ilk eynəksiz 3D göstərməyi bacaran ASUS Spatial Vision texnologiyasını təqdim etdi. Təbii ki, biz dünyanı 3D görürük, lakin bizim kompüter ekranlarımız düz olduğundan yalnız 2D şəkilləri göstərmək üçün dizayn edilib. 3D eynəklər və qulaqlıqlar hər bir gözə təsvirin fərqli bir hissəsini ötürərək beynimizi yanıldır və bizə dərinlik hissini yaşadan kompozit “stereoskopik” görüntü göstərir. Bu işə yarayır, lakin bunun üçün eynəklərdən istifadə etdiyimizdən süniliyi artırır və hərəkətlərimizi məhdudlaşdırır.
ASUS Spatial Vision göz izləmə prinsipi üzrə işləyir, lakin eynək tələbini aradan qaldırmaq üçün bir neçə uyğun həlləri var. Uyğun notbuklarda təsviri alternativ hissələrə bölmək üçün hər bir gözün mövqeyini izləyən iki kamera var. Onlar 3D eynəklər kimi kameralardan gözü izləyib ayrı-ayrılıqda sol və sağ gözün görəcəyi görüntülər yaradır. Bunun sayəsində 3D obyektləri və məzmunu notbukumuzda hər hansı 2D təsvirə baxdığınız kimi təbii, həm də real dünya obyektini gördüyünüz qədər təbii şəkildə görmək mümkündür. Üstəlik bir düymə ilə 2D və 3D görüntü arasında keçid edə bilərsiniz.
ASUS Spatial Vision 3D OLED texnologiyası şirkətin yeni ProArt Studiobook 16 3D OLED notbukunda və Vivobook Pro 16X üçün konfiqurasiya seçimi kimi debüt edəcək. Texnologiya artıq SteamVR və Unreal Engine kimi çoxsaylı VR və oyun yaratma platformaları, həmçinin Blender kimi məşhur alətlərlə uyğunlaşdırılıb.
