Ötən ay məşhur Çinli insayder Digital Chat Station yeni Redmi K60 modelinin ekranı, çipseti, batareyası və şarj detalları haqqında vacib məlumatları bölüşmüşdü. Dünən isə məşhur insayder iddia edib ki, yeni K60 modeli modeli öz gücünü Dimensity 8200 çipsetindən alacaq. Belə ki, bu çipsetin Mediatek tərəfindən gələn həftə təqdim olunması gözlənilir. Həmçinin qarşıdakı günlərdə təqdim olunması gözlənilən Dimensity 8200 çipsetinin bəzi xüsusiyyələri barədə də məlumat verib. Bu xüsusiyyətlərdən ən önəmlisi Dimensity 8200 çipsetinin 3.1 GHz tezlikli Cortex-X2 nüvələri ilə təchiz olunacağı bildirilir.
Çin şirkəti olan Xiaomi, münasib qiymətə güclü performans təklif edən Redmi K60 ilə bağlı hazırlıqlarını davam etdirir. Əlavə olaraq qeyd edək ki, məşhur insayder Redmi K60 modelinin 2K təsvir ölçülü AMOLED ekrana sahib olacağını iddia edir. Lakin yeni modelin ekran ölçüsü və yeniləmə sürəti haqqında heç bir məlumat yoxdur. Lakin standart olaraq 120Hz tezlikli 6.67 düymlük ekran panelinin mövcud olacağı gözlənilir.
Ən diqqət çəkən məqam isə yeni modelin iPhone 14 Pro modelində gördüyümüz dinamik ada tipli yeni bir interfeysə malik olacağı gözləntiləridir. Smartfonun 5500 mAs batareya ilə təchiz olunacağı bildirilir. Bu batareya isə 67 Vt simli doldurma, 30 Vt simsiz enerji doldurma dəstəkləməlidir. Belə ki, 30Vt simsiz enerji həqiqətən də çox unikal rəqəmdir və bu seriyada Xiaomi tarixində bir ilk olacaq. Bundan əvvəl POCO F5 modelinin Snapdragon 8+ Gen 1 ilə gələcəyi bildirilmişdi. Ona görə də cihazın qlobal bazara hansı adla gələcəyi naməlumdur. Ola bilsin ki, POCO F5 modeli bu olub, Snapdragon 8+ Gen 1 çipsetli variantı POCO F5 Pro kimi adlandırıla bilər. POCO F4 Pro modeli bu il mövcud olsa da ləğv edilmişdi. Lakin prototipləri mövcuddur.
