Xiaomi MWC 2025 tədbirində Pad 7 və Pad 7 Pro modellərini təqdim edərək planşet dünyasındakı iddiasını davam etdirib. Lakin, Xiaomi brendinin yenilikləri sadəcə bununla məhdudlaşmır. Son ortaya çıxan məlumatlar göstərir ki, Xiaomi OLED displeyli ilk planşetlərini təqdim etməyə hazırlaşır.
14 düymlük OLED ekrana sahib olacağı gözlənilən bu yeni modelin Pad 7 Max adı ilə satışa çıxa biləcəyi ilə bağlı şayiələr var. 2023-cü ildə təqdim edilən Pad 6 Max 14-ün varisi olacağı düşünülən cihazın 24 GB RAM və 120 Vt sürətli şarj dəstəyi təklif edə biləcəyi bildirilir. Xiaomi həmçinin iki yeni planşet hazırlayacağı deyilir. Bunlardan biri Snapdragon 8 Elite prosessoru ilə yüksək səviyyəli bir model olaraq yerləşdirilsə də, digəri MediaTek-in Dimensity 9400+ çipsetindən güc alan 8 düymlük oyun yönümlü Redmi planşet olacaq.
Ümumiyyətlə, Pad 7 Max ilə bağlı bütün təfərrüatlar hələ aydınlaşdırılmayıb, lakin Pad 6 Max 14-ün təklif etdiyi xüsusiyyətlərə nəzər salaraq bəzi proqnozlar vermək mümkündür. Əvvəlki model Snapdragon 8+ Gen 1 prosessoru, 2.8K təsvir ölçülü 144Hz LCD displey və HDR10+ dəstəyi ilə diqqət cəlb etməyi bacarmışdı. Kamera tərəfində 50 MP əsas kamera və 20 MP ön kamera var idi, 10.000 mAh batareya isə 67W sürətli şarj və 33W tərs şarj xüsusiyyətləri ilə dəstəklənmişdi. Bununla belə, Xiaomi-nin yeni planşetlərini nə vaxt təqdim edəcəyi hələ məlum deyil. İlkin məlumatlar isə OLED displeyli Xiaomi Pad 7 Max modelinin gələn ay elan ediləcəyi gözlənilir.
