Çində yerləşən ən böyük elektrik avtomobil istehsalçısı BYD tezliklə 5 dəqiqəyə 300 km məsafə qət etməyə imkan verən 1000V platformasını istifadəyə verəcək.
Bu ayın sonuna qədər Çində satışa çıxarılacağı bildirilən 1000V platforması, şarj sürəti baxımından səviyyəni bir xeyli yüksəldəcək. Bu platforma üçün xüsusi ultra sürətli şarj stansiyaları quracaq BYD, gələn aylarda ilk növbədə yüksək səviyyəli tam elektrik avtomobillərinə 1000V dəstəyi gətirəcək. Uyğun vasitələrdə və stansiyalarda cəmi 5 dəqiqə ərzində 300 km məsafə artıra bilən sistem, cəmi 10 dəqiqə ərzində yüzdə 0-dan yüzdə 100-ə qədər bir çox avtomobili şarj etməyə imkan verəcək. Qeyd edək ki, şirkət daha əvvəl də açıqlaması ilə diqqət çəkmişdi. Belə ki, Son zamanlar elektrikli avtomobil bumu yaşayan Çini avtomobil sənayesinin “innovasiya mərkəzi” kimi xarakterizə edən BYD-nin icraçı direktoru Stella Li, Tesla ilə bağlı verdiyi açıqlamada “Bizim ortaq düşmənimiz daxili yanma mühərrikli avtomobillərdir. Sənayeni dəyişmək üçün birlikdə işləməliyik” deyə bildirmişdi.
Stella Li bu açıqlama ilə Tesla ilə ortaq bir vasitə inkişaf etdirməkdən danışmırdı. O, yalnız daxili yanma mühərrikli nəqliyyat vasitələrini avtomobil sektorundan bütövlükdə çıxarmağı hədəflədiklərini vurğulayır. Ümumiyyətlə, Çin son dövrlərdə xüsusilə elektromobil dünyasında bir çox ölkədə ən çox satılan avtomobil brendi adını qazanıb. Hətta BYD-dən əlavə olaraq Xiaomi belə yeni təqdim etdiyi elektromobilləri ilə satış rekordları qırmış və qərb-dən olan rəqiblərini qabaqlamışdı.
