Yeni iddiaya görə, Apple və Samsungdan sonra HONOR da ultra nazik dizaynlı telefon üzərində işləyir. Apple və Samsung öz flaqman telefon ailələrinə yeni cihazlar əlavə etmək niyyətində idilər. Belə ki, bu cihazların ən diqqət çəkən xüsusiyyəti onların çox incə bir dizayna sahib olmaları idi.
Samsung bu cihazı keçən ay “Galaxy S25 Edge” adı ilə elan etsə də, heç bir detal paylaşmamışdı. Apple-ın sentyabr ayında iPhone 17 seriyasından Plus modelini çıxaracağı və onu 5,5 mm qalınlığında “iPhone 17 Air” adlı çox nazik modellə əvəz edəcəyi gözlənilirdi. Təxmin edə biləcəyiniz kimi, ən çox satılan iki markanın bu hərəkəti digər smartfon şirkətlərinin də diqqətini çəkib. Etibarlı mənbə hesab olunan Digital Chat Station iddiasına görə, HONOR da tezliklə ultra nazik smartfon təqdim etməyə hazırlaşır. İddiaya görə, HONOR-un telefonu da S25 Edge və iPhone 17 Air kimi incəliyə üstünlük verən bir model olacaq. Həmçinin əlavə edilib ki, qurğu 6,3 düymlük ekrana sahib olacaq. Təəssüf ki, onun nə qədər incə olacağı və digər detallar barədə məlumat yoxdur.
Qeyd edək ki, HONOR artıq nazik cihazlar, xüsusən də qatlanan telefonları istehsal edən bir şirkətdir. Ona görə də yeni modelin hansı formada olacağı hər kəsə maraqlıdır. JHətta yeni HONOR, “Samsung” və “Apple” şirkətlərinin cihazları ilə rəqabət apara biləcək bir model olaraq bütün diqqətləri öz üzərinə çəkə bilər. Bu hərəkət həm də bizə smartfon sənayesinin dəyişdiyi istiqaməti göstərir.
