Xiaomi 26 dollar qiymət etiketi ilə yeni router modeli olan AX3000T-ni təqdim etdi. Xiaomi Router AX3000T yeni nəsil Wi-Fi 6 bağlantısı dəstəyi ilə yüksək simsiz sürət təklif etməklə üstün performans vəd edir. Həm 2.4GHz, həm də 5GHz tezliklərdən istifadə edildikdə 2976Mbps bağlantı sürəti vəd edir.
AX3000T router modeli Xtra Range texnologiyası ilə “2+1” 5GHz antena konfiqurasiyasına malikdir. Bu dizayn əlavə antenaya bənzər quruluşu ilə siqnal gücünü artırır. Router 1,3 GHz tezlikdə ikinüvəli A53 prosessoru ilə təchiz edilmiş MediaTek Figic 820 platforması ilə təkmilləşdirilib. Router bu platforma əsasında çox güclü olub, 128-ə qədər cihaz üçün itkisi bağlantı sürəti, optimallaşdırılmış CPU istifadəsi və minimum gecikmə təmin edir. Bundan əlavə, ümumi performansını artırmaq üçün 256 MB operativ yaddaşa sahibdir.
Xiaomi AX3000T ikili WAN və LAN portlarının birləşməsini dəstəkləyən 4 gigabit Ethernet portuna malikdir. Bu baxımdan, birdən çox genişzolaqlı bağlantısı olan evlər üçün faydalıdır. Router həmçinin 10-a qədər cihazı idarə edə bilən Xiaomi/Redmi WiFi 6 marşrutlaşdırıcıları üçün hibrid Mesh şəbəkəsini təklif edir. Millisaniyə səviyyəsində cihazlar arasında qüsursuz keçid təmin edir.
Routerdə həmçinin icazəsiz internetə girişin avtomatik dayandırılması və tətbiqə/veb-sayta giriş məhdudiyyətləri kimi daxili təhlükəsizlik tədbirləri var. NFC ilə sürətli əlaqə isə ən maraqlı tərəfidir. Belə ki, şifrəyə ehtiyac olmadan cihazı router kənarına yaxınlaşdırmaqla NFC ilə birbaşa bağlanmanı əldə edə bilərsiniz. IPTV şəbəkə televiziyası üçün dəstək kimi digər əsas xüsusiyyətlər də Xiaomi AX3000T alıcılara təklif olunur. Router yaxın vaxtlarda Aliexpress üzərindən böyük bir ehtimalla əlçatan olacaq. Şirkətin AX seriyası router modelləri Azərbaycanda da çox məşhur olduğundan, qısa vaxtda populyarlaşacağı gözləniləndir.
