Ötən aylarda Rockstar Games şirkətinin yeni oyunu olacaq GTA 6 barədə məlumatlar sızdırılmışdı. Hətta bu sızıntı bütün dünyada diqqət çəkməyi bacarmışdı. Çünki, bu sızıntı ortaya çıxana qədər Rockstar Games şirkəti yeni oyunu barədə məlumat vermirdi. Artıq bütün diqqətlər öz üzərində olduqda məcburən açıqlama verib. İşin maraqlı tərəfi isə məlumatların necə sızdırıldığıdır. Ötən aylarda məlumatları ortaya çıxaran şəxsin yəni Arion Kurtaj-ın heç bir cəza almayacağı məlum olmuşdu. İndi isə məlum olub ki, GTA 6 barədə məlumatlar bir otel otağında sadəcə Amazon Fire Stick cihazı vasitəsi ilə Arion Kurtaj tərəfindən sızdırılıb.
Belə ki, 18 yaşlı Arion Kurtaj İngiltərənin cənubundakı Bicester şəhərində yerləşən Travelodge otelində polis tərəfindən ələ keçirilmişdi. Sonradan məlum olub ki, Arion Nvidia şirkətinin təhlükəsizlik divarını sındırdığı və şirkəti şantaj etdiyi üçün məhkəmə tərəfindən 2022-ci ilin mart ayında ev həbsi ilə cəzalandırılıb. Arion otel otağında da rahat qalmayaraq sadəcə Amazon Fire Stick adlı cihaz ilə Rockstar Games şirkətinin serverlərini sındırıb və Gta 6 barədə məlumatları sızdırıb. Əslində məlumatları ələ keçirən Kurtaj ilk növbədə şirkəti şantaj edib. Pul müqabilində məlumatların mediaya sızdırılmayacağını bildirib. Lakin daha sonra necə olubsa bütün açıq qaynaq kodları daxil olmaqla məlumatlar ortalığa çıxmışdı.
Hələlik 18 yaşlı hakerin şirkət ilə razılaşıb-razılaşmadığı məlum deyil. Ümumiyyətlə 18 yaşlı Arion Kurtaj Lapsus$ haker qrupunun əsas nümayəndələrindən biridir. Bu qrup isə öz növbəsində Uber, Revolut və Nvidia kimi nəhəng şirkətlərin təhlükəsizlik divarlarını aşaraq məxfi məlumatları əldə ediblər. Daha sonra isə hakerlər bu məlumatları şantaj məqsədi ilə istifadə etsələr də istədiklərinə nail olmayıblar. 2022-ci ilin sentyabrında Uber şirkəttinə 3 milyon dəyərində zərər vuran haker, həmin tarixdə fintech firması olan Revolut-un 5000 müştərisinə məxsus məlumatları ələ keçirib. Məhz bu hadisələrdən sonra isə o, Rockstar Games şirkətini daha doğrusu Gta 6 oyununu hədəf alıb.
