Bildiyimiz kimi, Xiaomi Çində yeni flaqman telefonları olan Xiaomi 17, 17 Pro və 17 Pro Max-ı təqdim edib. Üç modeldən ibarət seriya cəmi 5 dəqiqə ərzində satış rekordları qıraraq şirkətin tarixində əhəmiyyətli bir mərhələyə imza atıb.
Weibo-da paylaşılan rəsmi açıqlamaya görə, 17 seriyası bu günə qədər markanın ən sürətli satılan flaqmanlarından biri olmaq yolundadır. Xiaomi-nin uğuru, seriyanın ilk gündən üç fərqli modellə satışa çıxarılmasından irəli gəlir. Keçən ilki Xiaomi 15 seriyası yalnız 15 və 15 Pro-dan ibarət idi, 15 Ultra isə bir neçə ay sonra qlobal olaraq buraxıldı. Bu dəfə Xiaomi 17, 17 Pro və 17 Pro Max-ı birlikdə təqdim edərək, istifadəçilərin müxtəlif ehtiyaclarını ödəmək üçün seçimlər təklif edib.
Xiaomi, telefonların satışa çıxdıqdan cəmi beş dəqiqə sonra bütün gün satış rekordları qırdığını açıqladı. Dəqiq satış rəqəmləri hələ açıqlanmasa da, gözləntilər seriyanın milyonlarla istifadəçiyə sürətlə çata biləcəyidir. Xatırladaq ki, Xiaomi yeni seriyasının adını Xiaomi 16 yox Xiaomi 17 adlandırmaqla və eləcə də dizayn cəhətdən yeni iPhone 17 seriyasına bənzətməsi ilə böyük maraq doğurmuşdu.
