Xiaomi-nin növbəti flaqman smartfonu Xiaomi 16, kompakt dizayndan imtina edərək daha böyük erkana malik daha nazik modeli üstün tuta bilər. Belə ki, Smart Pikachu mənbəsinin ortaya çıxardığı məlumata görə, standart Xiaomi 16, Xiaomi 13, 14 və 15-də istifadə edilən 6,36 düymlük ekran ölçüsündən imtina edəcək və bunun əvəzinə 6,5 və 6,67 düym arasında daha böyük ekrana keçəcək.
Xiaomi-nin qərarına qarşıdan gələn incə Galaxy S25 Edge və digər Çin istehsalçılarının oxşar telefonlar üzərində işləməsi təsir göstərə bilər. Batareya həcmini azaltmadan smartfonun daha incə olması üçün ekran ölçüsünün artırılması lazım gəlir, buna görə də Xiaomi məhz ekran ölçüsünü böyütməyi seçəcək. Daha böyük ölçünün digər üstünlüyü ondan ibarətdir ki, o, üfüqi uzadılmış telefoto kameranın yerləşdirilməsinə imkan verir. Hazırda əsas modelə 2,6x (60 mm) telefoto daxildir. Telefonun artan səth sahəsi daha təkmil telefoto kameraya keçməyə imkan verəcək.
Bu dəyişiklik daha böyük ekranlara və daha nazik cihazlara üstünlük verən istifadəçilər üçün xoş qarşılansa da, yığcam smartfon həvəskarları məyus olacaq. Təbii ki, telefonun təqdim olunmasına hələ aylar qaldığı üçün yayılan bu söz-söhbətə şübhə ilə yanaşmaq daha yaxşıdır. Çünki istehsalçılar telefonun inkişaf mərhələsində müxtəlif prototipləri sınaqdan keçirə bilərlər. Buna görə Xiaomi-nin son dizayn seçimi fərqli ola bilər. Lakin siz yenə də özünüzü daha böyük ekranlı Xiaomi 16 üçün hazırlayın.
