Tesla-nın yalnız kameralardan ibarət köməkçi sistemləri LiDAR sensorları ilə təchiz edilmiş bir avtomobillə müqayisə edilib. Nəticə isə olduqca böyük mübahisələrə səbəb olub. Belə ki, Tesla-nın “gözü” olan kameraları boş yola quraşdırılmış vizual divarı seçə bilmədən ona çırpılıb. Lakin, reallıq videoda görünəndən daha fərqlidir. Mark Rober əslində ABŞ-da bir müddətdir davam edən Tesla əlyehinə aksiyaların popularlığından istifadə etmək üçün videoda fırılaq edib.
Ümumiyyətlə, Tesla-nın avtonom idarəetmə sistemləri yalnız kameralara əsaslanır və avtomobillərdə LiDAR sensorları yoxdur. Məşhur YouTuber Mark Roberin yeni videosu Tesla avtomobillərində LiDAR sensoru olmadığı üçün üzləşdiyi riskləri açıqlayır. LiDAR lazer şüaları ilə məsafəni ölçməklə ətraf mühiti yüksək dəqiqliklə xəritələyə bilən texnologiyadır. Bir çox avtomobil istehsalçısı bu sistemdən istifadə etsə də, Tesla bunun əvəzinə tamamilə kamera əsaslı həllərə müraciət edir.
Bu da özü ilə böyük risklər gətirir. Məsələn, tüstü, duman və ya güclü yağış kimi çətin hava şəraitində Tesla avtomobilləri yoldakı maneələri aşkar etməkdə çətinlik çəkə bilər. YouTuber Mark Roberin testində çətin şərtlər altında Tesla tərəfindən kiçik yaşlı uşağı canlandıran bir manken əzilib. Belə ki, Tesla bu mankeni görməyib və onu əzib. Bununla belə, LiDAR istifadə edən avtomobil təhlükəni aşkar edərək özünü saxlaya bilib və qəzanın qarşısını alıb. Videodakı əsl vacib sınaq uşaq olanda Road Runner-də gördüyümüz vizual illüziyadır. Məsələn, yola yol naxışlı divar qoyulduqda, Tesla avtomobilləri bunun əsl maneə olduğunu tək kameralarla deyə bilməyə bilər. LiDAR isə divarın üzərində çəkiləndən fərqli olaraq divar olduğunu təsbit edə bildiyi üçün bu sınaqdan uğurla keçir.
Reallıqdan danışsaq, videonun başlığında öz-özünə gedən avtomobilləri aldada bilərik mi deyə sual qoyulsa da, avtomobillərin heç biri əslində öz-özünə getmirdi. Tesla-nın birinci nəsil sürücü köməkçi xüsusiyyəti olan avtopilot, bir avtomobilin öz-özünə getməsin təmin etmir. Və Tesla, avtopilot istifadə edərkən sürücüləri məşğul olmaqları və ya yola diqqət etməli olduqları barəsində xəbərdarlıqlar edir. Rober, klassik xətanın qurbanı olaraq, təkmilləşmiş sürücü köməkçi sistemini, özü-özünə gedən modellər ilə qarşılaşdırıb.
İddialardan birincisi odur ki, Test zamanı avtopilot heç aktiv olmayıb və ikinci olaraq avtopilot, qəza anından dərhal əvvəl söndürülmüş ola bilər. Habelə, videoda LİDAR şirkəti Luminar-ın loqosu çox aydın olduğu üçün bunun bir reklam kompaniyasının tərkib hissəsi olduğu bildirilir. Maraqlısı budur ki, divardakı dəlik belə saxta görünür.
