Xiomi 13 Pro modelinin təqdimatından bəri yeni Xiaomi 14 Pro modelinin dizaynı, xüsusiyyətləri barədə müxtəlif iddialar irəli sürülürdü. Nəhayət bütün bu iddialar qarşısında Xiaomi şirkətinin sənayə və dizayn şöbəsinin direktoru Vei Xu açıqlama verib. Belə ki, o Xiaomi 14 Pro modelinin dizaynını tamamladıqlarını bildirib. Həmçinin yeni modelin Mi 11 Ultra modelindən daha diqqətəlayiq olduğunu da vurğulayıb. Qeyd edək ki, o bu sözləri sosial şəbəkə istifadəçilərinin birinin “Xiaomi 14 Pro modelinin dizaynı Mi 11 Ultraya bənzəyirmi?” sualına cavab olaraq verib. Qeyd edək ki, Mi 11 Ultra modeli şirkətin kamera əsaslı ilk smartfonu hesab olunur. Həmçinin smartfon Mi 10 Ultra-dan sonra Ultra ailəsinin ikinci modeli hesab olunur. Smartfonun ən innovativ yeniliklərindən biri isə arxa tərəfindəki 1.1 düymlük panel idi. Belə ki, bu paneldə ekran bildirişləri, hava proqnozu kimi funksional xüsusiyyətlər görünürdü.
Xiaomi şirkətinin sənaye və dizayn şöbəsinin direktorunun bu cavabı isə Xiaomi 14 Pro modelinin dizaynı barədə yeni fikirlər formalaşdırır. Smartfonun Mi 11 Ultra ilə bənzər dizayna sahib olacağı iddia edilir. Ümumiyyətlə Mi 11 Ultra modelinin arxa tərəfində istifadə olunan displey Mi Band 5 qolbağındakı displey ilə eynidir. İndi isə eyni gözləntilər məhz Xiomi 14 Pro-a aiddir. Çox güman ki, Xiaomi 14 Pro modeli də Mi 11 Ultra modelinə bənzər təkmilləşdirilmiş kamera sisteminə sahib olacaq. Əlavə olaraq isə smartfon yeni nəsil Qualcomm Snapdragon 8 Gen 3 ilə də təchiz oluna bilər.
Qeyd edək ki, Xiaomi 14 Pro smartfonu barədə hələlik təsdiqlənmiş məlumat mövcud deyil. Bütün deyilənlər sadəcə dizaynerin bir iddiasından ibarətdir. Lakin ehtimal olunur ki, Smartfon bu ilin son rübündə təqdim ediləcək. Məhz bu zaman biz yeni smartfonun dizaynı və xüsusiyyətləri barədə dəqiq məlumata sahib olacağıq.
