2023-cü ildə Qualcomm, özünün Genişləndirilmiş Şəxsi Sahə Şəbəkəsi (XPAN) texnologiyasını təqdim etmişdi. Bu isə simsiz cihazlara maksimum diapazona çatdıqda məlumat ötürülməsi zamanı Bluetooth-dan Wi-Fi-a keçməyə imkan verir. Bu texnologiyanı dəstəkləyən ilk qulaqlıqların 2024-cü ildə ortaya çıxacağı gözlənilirdi, lakin analitiklər indi 2025-ci ili işarə edirlər. Beləliklə, Wi-Fi bağlantısı olan ilk XPAN əsaslı simsiz qulaqlıqlar bu il satışa çıxarıla bilr.
Qualcomm nümayəndəsi XPAN ilə ilk kommersiya məhsullarının satışa çıxarılması ilə bağlı suala cavab olaraq bildirib ki, “Biz XPAN dəstəyi ilə ilk cihazları bazara çıxarmaq üçün bir neçə müştərimizlə işləməkdən məmnunuq və bunlar tezliklə elan ediləcək”. Ümumiyyətlə, XPAN texnologiyası məlumat ötürülməsi üçün simsiz cihazların Wi-Fi şəbəkəsinə qoşulmasına imkan verir. Bu yanaşma Bluetooth ilə müqayisədə daha uzun məsafə təmin edir. Qualcomm həmçinin bildirib ki, XPAN Wi-Fi üzərindən itkisiz 24 bit 96 kHz audio təmin edir və Bluetooth üzərindən oxşar keyfiyyətli itkili audio ilə eyni enerji sərfiyyatına malikdir.
Bundan əlavə, XPAN-dan istifadə, məsələn, oyunçular üçün vacib ola biləcək minimal gecikmə ilə yüksək məlumat sürətini təmin edəcəkdir. XPAN-ı aktivləşdirən qulaqlıqlar avtomatik olaraq Bluetooth-dan Wi-Fi-a keçə və yenidən geri qayıda biləcək. Qualcomm texnologiyasını dəstəkləyən qulaqlıqların təqdimatının dəqiq tarixləri hələ elan edilməyib. Bununla belə, istehsalçı təsdiq edib ki, bu istiqamətdə iş davam edir və görünür, ilk belə cihazların elanı çox da uzaqda deyil.
