Keçən ilki Nothing Phone (1) dizaynını təkrarlayan cihaz Barselonada keçirilən Mobil Dünya Konqresində nümayiş etdirilib. Unihertz şirkəti tərəfindən təqdim edilən Luna adlı smartfon, şəffaf arxa paneli və LED işıqlandırma zolaqları ilə diqqət çəkib.
Daha maraqlısı odur ki, klon modeli konqresdə Nothing-in qurucusu Carl Pei görüb. O, sol əlində “Nothing Phone (1)” smartfonunu, sağ əlində isə konqresdə rastlaşdığı Unihertz Luna cihazını tutaraq çəkdirdiyi fotonu paylaşıb.
Luna dizaynı istisna olmaqla, Nothing (1) smartfonuna heç bir oxşarlığı yoxdur. Smartfon 6,81 düymlük ekran, MediaTek Helio G99 çipseti, 8 GB RAM, 256 GB yaddaş, 5000 mAs batareya, 18 Vatt enerji doldurma, 108 MP əsas sensorlu üçlü kamera və qulaqlıq yuvası ilə təchiz edilib.
Unihertz Luna modelinin dəqiq çıxış tarixi məlum deyil
Təəssüf ki, şirkət MWC 2023-də smartfonun dəqiq buraxılış tarixi ilə bağlı təfərrüatları paylaşmadı. Unihertz sözçüsü Luna-nın mart ayında buraxılacağını və qiymətinin 300 dolları keçməyəcəyini qeyd etdi. Digər tərəfdən, xatırladaq ki, Nothing Phone (1) 469 avro başlanğıc qiyməti ilə satışa çıxarılmışdı.
Unihertz ilk dəfə 2017-ci ildə ilk crowdfunding kampaniyası olan Jelly telefonunun buraxılması ilə ictimaiyyətin diqqətini çəkdi. Unihertz-in təsisçisi və baş icraçı direktoru Stiven Xunun sözlərinə görə, bu model təqdim edilməzdən əvvəl şirkət 2003-cü ildən bəri çoxlu sayda yerli və beynəlxalq biznes üçün mobil həllər istehsal edən və təmin edən şirkətdir. Yəni, cihaz dediklərinə əsasən tamamilə öz əsərləridir.
