TCL CES 2023 sərgisində bir çox yeni texnoloji cihazlarını təqdim etmişdi. Bunların arasında seçilən fərqli məhsullardan biri dərhal tərcümə edə bilən və ekranda GPS naviqasiyası kimi interaktiv xüsusiyyətlərə malik RayNeo X2 idi. Əvvəlki AR eynəklərindən fərqli olaraq, süni intellekt əsaslı AR eynəyi “binokulyar” tam rəngli mikro LED ekran ilə hazırlanmışdır. Ekran texnologiyası sayəsində TCL RayNeo X2 ağıllı eynəyi dizaynı və istifadə rahatlığını güclü şəkildə qoruyur. Onun adi eynək görünüşünə sahib olması da cihazın böyük diqqət çəkəcəyi təəssüratını yaradır. Bundan əlavə RayNeo X2 ağıllı eynək çərçivəsində quraşdırılmış mikrofon, kamera və dinamik də var.
Smartfonlarda və ya saatlarda olmayan xüsusiyyətə malik AR eynəkləri süni intellekt dəstəyi ilə avtomatik olaraq gördüyü mətni dərhal tərcümə edə bilir. Ağıllı eynək çoxlu dil dəstəyi ilə o, hər danışılan dili aşkar edə bilir. Həmcinin ağıllı eynək tərcümə etdiyi mətni alt yazı kimi göstərə bilir.
RayNeo X2 əsas xüsusiyyətlər
- Ekranın yüksək kontrast nisbəti
- 1000 nit görmə parlaqlığı
- Təkminləşdirilmiş vizual effektlər
- Dəyişdirilə bilən şüşə
- Bluetooth bağlantısı (yazılmış şəkilləri telefona köçürmək və sosial mediada paylaşmaq imkanı təklif edir)
- Tərcümə etmək bacarığı
- GPS naviqasiyası
- Pıçıltı rejimi ilə asta səsdə musiqi dinləmək
Telefona ehtiyac olmadan mikro LED ekranda ünvan istiqamətləri təmin edir. O, hərəkətin tanınması, eyni vaxtda lokalizasiya və xəritələşdirmədən istifadə edən GPS naviqasiyasına malikdir.
Nəhayət, qulaqlıq taxmadan musiqi dinləməyi mümkün edən RayNeo X2 bu xüsusiyyəti pıçıltı rejimi adı verilən, əsasında dinamiklər ilə səsi almacıq sümüyündən ötürən texnologiyaya borcludur. O, Qualcomm Snapdragon XR2 platforma əsasında işləyir. Yazda tərtibatçılara təqdim olunacaq AR eynəklərinin buraxılış tarixi ilə bağlı hələlik heç bir məlumat yoxdur.
