Qualcomm-un hazırkı qabaqcıl prosessoru Snapdragon 8 Gen 3, Galaxy S24 Ultra, Xiaomi 14 seriyası və.s kimi cihazları gücləndirən güclü çipsetdir. Bu ilin sonunda ehtimal ki, oktyabr ayında Qualcomm-un Snapdragon 8 Gen 4-ü təqdim edəcəyini görəcəyik. Çipset, Qualcomm-un öz Oryon CPU nüvələri ilə debüt edəcək, beləliklə tarixə damğa vuracaq bir şəkildə Cortex nüvələrini əvəz edəcək.
Bu yaxınlarda çipin mühəndislik nümunəsinin performansı təqdim edilib. Snapdragon 8 Gen 4 çipsetini idarə edən cihaz Genshin Impact-ı 45 dəqiqə ərzində 1080p təsvir ölçüsünsə sabit 60FPS ilə oynada bilirdi. Əlavə olaraq sintetik testlərə baxdıqda Geekbench 6 benchmark testi bir nüvəli testlərdə 2845 xal və çoxnüvəli testlərdə isə 10628 ballıq nəticə göstərib. Bu, Snapdragon 8 Gen 3-ün hesabladığı 7249 çoxnüvəli balı ilə müqayisə edildikdə xeyli yüksəkdir. Hətta araadakı fərq sadəcə 1 nəsillə müqayisə ediləcək qədər az deyil.
Snapdragon 8 Gen 4 təkmilləşdirilmiş 3nm texnoloji prosesindən istifadə edərək TSMC əsasında hazırlanır. Bu yerdə qeyd edək ki, Geekbench çox nüvəli balı, Apple M3 çipinin MacBook Pro modelini gücləndirən 10762 çoxnüvəli balına yaxındır. Ən əsas məsələ isə çipsetin maksimum çatdığı işləmə tezliyi ilə bağlıdır.
Phoenix nüvələrinin 4 GHz tezliyinə sahib olduğu deyilir. Müqayisə üçün qeyd edək ki, Snapdragon 8 Gen 3-ün maksimum nüvə tezliyi 3.3 GHz, Dimensity 9300-ün maksimum nüvə tezliyi isə 3.25 GHz-dir. Ümumiyyətlə bu, müasir smartfonlarda istifadə edilən çipsetlər üçün maksimumdur.
