Türkiyənin innovasiya istiqamətində aparıcı strateji innovasiya konsaltinq firması “Viveka” sizi unikal mentorluq proqramına dəvət edir. İRİA-nın dəstəyi və “PASHA Holding”in sponsorluğu ilə həyata keçirilən “Viveka Mentorship Program”ı kimlər üçün nəzərdə tutulub gəlin yaxından nəzər salaq.
Azərbaycanda innovasiya istiqamətində fəaliyyət göstərən və sözügedən sektorda peşəkar təcrübəsini təkmilləşdirmək istəyən şəxslər proqrama müraciət edə bilərlər. “Viveka Mentorship Program”ı startap mentorluğunu təşviq etməyi, eləcə də startap və innovasiya üzrə proqramlarda fəaliyyət göstərəcək yüksəksəviyyəli mentorlar yetişdirməyi qarşısına məqsəd qoyan təşəbbüsdür.
Qeyd edək ki, mentorluq təlimləri həm onlayn, həm də oflayn formatda keçiriləcəkdir. Proqramın cədvəli ilə müraciət formasından tanış ola bilərsiniz. Son müraciət tarixi 30 yanvardır.
Qeydiyyat linki: https://az-mentor.paperform.co/
Viveka Company Creation
Sahibkarlıq arzunuzu reallığa çevirməyə hazırsınız, lakin haradan başlayacağınızdan əmin deyilsiniz?
O zaman bu proqram tam sizlikdir! İRİA-nın dəstəyi və “PASHA Holding”in sponsorluğu ilə həyata keçirilən “Viveka Company Creation Program”ı startapınızı yeni zirvələrə çatdırmaq üçün lazım olan bilik, resurs və dəstək üçün buradadır. Proqrama qoşulacaq şəxslər Türkiyənin innovasiya istiqamətində aparıcı strateji konsaltinq firması olan “Viveka”nın təklif etdiyi model əsasında startap quruculuğunda texnoloji həllər, hüquq, maliyyə, marketinq və digər aspektləri özündə ehtiva edən həm nəzəri, həm də praktiki biliklər əldə edəcəklər. “Viveka Company Creation Program”ı mürəkkəb texniki bacarıqlara ehtiyac olmadan “Minimum Viable Product”ı inkişaf etdirməyə və təsdiqləməyə kömək edən “No-Code MVP” mərhələsinə çatmaqda sizə kömək olacaq.
Sözügedən proqrama Azərbaycanda startap fəaliyyəti ilə məşğul olan şəxslər müraciət edə bilərlər. Qeyd edək ki, mentorluq təlimləri həm onlayn, həm də oflayn formatda keçiriləcəkdir. Son müraciət tarixi 30 yanvardır.
Proqramın cədvəli ilə müraciət formasından tanış ola bilərsiniz.
Qeydiyyat linki: https://az-entrepreneur.paperform.co/
